Hadibaia Hereva

◼ February: Apokalupo​—Ena Hagugurua Negana Ia Kahirakahira! March: Diba ese Mauri Dekenai Ita Ia Hakaua Lao. Do ita hekwarahi Baibel stadi ita hamatamaia totona. Bema ruma taudia dekenai unai buka ia noho, Daniela Ena Peroveta Herevana Oi Laloa Namonamo! bukana hariharilaia. April bona May: Gima Kohorona bona Awake! magasin do ita hariharilaia. Kamonai taudia bona Memorial dekenai idia mai taudia danu oi lou henia neganai, namona be Dirava Tomadiho Henia bukana do ita hariharilaia. Namona be oi hekwarahi Baibel stadi ta oi hamatamaia totona, gau badana be bema idia haida be Diba bukana bona Dahaka Ita Karaia? buklet idia stadilaia vadaeni.

◼ March 1 ai eiava karaharaga unai dina murinai, hakaua naria tauna eiava ia ese ia abia hidi tadikaka ta ese kongregesen ena akaun ia sekea be namo. Unai ia karaia murinai, akaun ripoti gabena do idia duahia murinai kongregesen idia hadibaia. Kongregesen ese tanobada ibounai gaukarana totona bona orea durua totona idia henia kontribusen ma haida ena hereva be kongregesen taudia dekenai ia gwauraia.

◼ Namona be seketere bona haroro naria tauna ese regula painia taudia ibounai edia gaukara idia laloa. Bema haida idia hekwarahi edia hora idia abia totona, namona be elda taudia ese heduru idia henia dalana idia hegaegaelaia. Heduru herevadia abia totona, lagani ta ta ai idia siaia revarevana S-201-MO itaia.

◼ Lagani 2004 ena Memorial negana ena spesel pablik tok be Sunday, April 18 ai do idia henia. Ena ladana be “Ita Boga Auka Bona Iehova Ita Abidadama Henia.” September 2003 ena Iseda Basileia Gaukara dekenai unai bamona hadibaia hereva ta oi itaia diba.

◼ March 15, 2004 purana ia hamatamaia neganai, ita ese Kongregesen Buka Stadi dekenai Ruma Bese Ena Moale Havaraia Dalana bukana do ita stadilaia.