Hesiai Hebou Ena Sediual

Itaia: November bona December edia Iseda Basileia Gaukara lalonai, pura ta ta ena Hesiai Hebou ena sediual ta do ai hahedinaraia. Kongrigeisen ibounai be “Dirava ida Ita Raka” Distrik Hebouhebouna do idia lao henia dainai, gau haida idia haidaua diba. Bema hegeregere, hebouhebou ita do lao henia lasi neganai, Hesiai Hebou dokona ai miniti 15 oi gaukaralaia October ena Iseda Basileia Gaukara amo anina bada sisiba herevadia oi riviulaia lou totona. January lalonai Hesiai Hebou ta do ai hegaegaelaia, hebouhebou ena program riviulaia totona. Unai herevahereva ita hegaegaelaia totona, namona be ita ibounai be hebouhebou ai mai anina bada hereva kwadogidia, eda mauri bona haroro gaukara ai ita badinaia diba hereva badadia danu, ita torea. Bena ma haida ita hagoadaia totona, ita hahedinaraia edena bamona unai hereva ita badinaia.

November 8 Purana

Ane 180

7 min: Kongrigeisen ena hadibaia herevadia. Iseda Basileia Gaukara amo Hadibaia Hereva haida abia hidi.

18 min: Hesiai Hebou amo Namo Bada Abia. Helai taudia ida Hesiai Gaukara bukana, rau 71-2 herevalaia. Hesiai Hebou ese edena dala faiv amo ita ia durua eda Keristani hesiai gaukarana ita hanamoa totona? Hari hua ena Hesiai Hebou program amo haheitalai haida gwauraia. Ita hegaegae guna ena namo haida be dahaka? Dahaka dainai ita hebou hanaihanai be namo? Edena bamona Baibel ese unai hebou karaia daladia ia gwauraia guna?

20 min: “Karaharaga Lalohadaina Dogoatao Noho!”a January 15, 2000, Gima Kohorona, rau 12-​13 ena hereva haida kikilaia.

Ane 19 bona guriguri.

November 15 Purana

Ane 170

10 min: Kongrigeisen ena hadibaia herevadia. Bema rau 4 ai idia noho magasin herevalaia daladia be emu kongrigeisen teritori dekenai oi gaukaralaia diba, vadaeni unai oi gaukaralaia October 15 Watchtower bona October 22 Awake! haheitalaia totona. Haheitalai namona ma ta oi gaukaralaia diba.

15 min: “Lohiabada Ena Hanamoa Sibona ese Kohu Momo Oi Dekenai Ia Henia Noho.” Elda ta ese inai hereva be November 1, 2001, Gima Kohorona, rau 27-30 amo do ia henia.

20 min: Sikuli Lao Henia Karana amo Namo Oi Abia Dalana. Tamana ta ese ena natudia ia hereva henia, ia durudia edukeisen ia namo ena badina idia diba totona. (Memero Kekeni Edia Henanadai bukana, rau 133-9 itaia.) Matamata taudia momo idia mamia sikuli lao henia karana be mai ena hekwarahi badina hari taunimanima be taravatu idia badinaia lasi. Idia hesiku danu, idia laloa idia dibaia gaudia ese idia do idia durua lasi. Tamana ese Baibel amo hakaua herevadia bona badina namodia ia gwauraia, ia hahedinaraia edukeisen abia karana be aonega karana. Ena natudia ia hagoadaia idia stadi namonamo bona klas dekenai idia kamonai namonamo.

Ane 66 bona guriguri.

November 22 Purana

Ane 199

10 min: Kongrigeisen ena hadibaia herevadia. Akaun ripotina.

15 min: Kongrigeisen durua herevana. Eiava elda ta ese “Mai Goada ida Kara Dika Oi Dadaraia” be October 1, 1999, Gima Kohorona, rau 28-​31 amo do ia henia.

20 min:  Edena Dala ai Iseda Famili ese Helaga Karana Idia Hahedinaraia Diba? Elda ta bona ena ruma bese ese August 1, 1996, Gima Kohorona, rau 17-20 idia kikilaia. Ruma, varavara, kongrigeisen, dekena taudia, sikuli bona gaukara gabudia dekenai helaga karadia hahedinaraia daladia riviulaia.

Ane 58 bona guriguri.

November 29 Purana

Ane 23

10 min: Kongrigeisen ena hadibaia herevadia. Pablisa taudia hadibaia lou November ena haroro ripoti idia henia totona. November 1 Watchtower bona Awake! magasin matamatana ta hariharilaia dalana haheitalaia.

10 min: Henanadai Mauana. Elda ta ese inai hereva do ia henia.

25 min: “Baibel Stadi Namodia Karaia​​—Kahana 3.”b Idia torea henanadai gaukaralaia. Paragraf 3 umui herevalaia murinai, Dahaka Ita Karaia? buklet, kahana 5, paragraf 1 amo Baibel stadi kwadogina ta haheitalaia. Paragraf idia duahia bona henanadai idia haerelaia vadaeni. Stadi naria tauna bona stiuden tauna ese Isaia 45:18 bona Hadibaia Tauna 1:4 idia duahia bona herevalaia. Stadi naria tauna ese auka lasi henanadai haida ia gaukaralaia, unai amo stiuden tauna ese do ia hahedinaraia edena bamona siri ta ta ese idia stadilaia kahana idia durua.

Ane 178 bona guriguri.

December 6 Purana

Ane 96

10 min: Kongrigeisen ena hadibaia herevadia. December ena henia gauna gwauraia. Buka Helaga​—Dirava Ena Hereva Eiava Taunimanima Edia? bukana ita hariharilaia neganai, ita gaukaralaia diba dala ta eiava rua haheitalaia.

20 min: “Heduru Ita Henia Diba, A?”c Ma haida edia heduru idia abia dae pablisa ta eiava rua inteviu henidia.

15 min: Ekspiriens haida. Vanegai haroro gaukara lalonai idia vara ekspiriens haida haheitalaia totona, oi hegaegae guna be namo.

Ane 101 bona guriguri.

[Ol Futnot]