Tiokratik Haroro Sikuli Ena Riviu

Inai henanadai be Tiokratik Haroro Sikuli dekenai do ita herevalaia, February 23, 2009 ia matamaia purana ai. Sikuli naria tauna ese miniti 20 lalonai riviu do ia karaia, unai gaudia be January 5 ia lao February 23, 2009 wiki herevadia dekenai.

1. Edena bamona dina ginigunana ai Dirava ese diari ia henia, bema diari idia havaraia gaudia ia karaia lasi ela bona dina namba 4? (Gen. 1:​3, 16) [w04 1/1 rau 28 par. 5]

2. Pelega ena nega ai edena dala ai tanobada ena bese taudia idia “parara”? (Gen. 10:25) [w04 1/1 rau 30]

3. Edena negai Aberahamo gwauhamatana ia gaukara matamaia, bona ia noho ela bona edena nega? (Gen. 12:​1-4) [w04 2/1 rau 30 par. 1; w01 8/15 rau 17 par. 13]

4. Dahaka ese ia hamomokania Nimiroda bona ia murinai idia raka taudia be ‘edia ladana ia bada’ karana dekenai idia kwalimu lasi? (Gen. 11:4) [w98 3/15 rau 24-5]

5. Bema 2 Petero 2:7 ia gwau Lota be “kara maoromaoro tauna,” vadaeni dahaka dainai Lota ese matabodaga tatau hutuma dekenai ena natuna kekenidia ia henia? (Gen. 19:8) [w05 2/1 rau 31 par. 15-​16; w04 2/1 rau 30 par. 4]

6. Baibel ia gwau Dirava idia gari henia tatau ese edia ruma bese idia naria be namo, to dahaka dainai Aberahamo ese Hagara bona Isamaela ia siaidia lao tano gagaena dekenai? (Gen. 21:​10-​21; 1 Tim. 5:8) [w88 8/1 rau 31]

7. Eliesere ia hekwarahi bada Iehova ena dala hegeregerena Isako ena adavana ta ia tahua karana ese dahaka ia hadibaia ita dekenai? (Gen. 24:​14, 15, 17-19, 26, 27) [w97 1/1 rau 31 par. 2]

8. Iakobo ese ena nihi lalonai “vadavada ta ia itaia, tano dekena amo ia daekau ia lao bona guba, bona Dirava ena aneru unai dekena amo idia daekau, idia diho noho”; unai ena anina be dahaka? (Gen. 28:​10-​13) [w04 2/1 rau 31 par. 6; it-2-E rau 189]

9. Dahaka dainai Rahela ia ura Lea ena natuna ena dudai ia abia? (Gen. 30:​14, 15) [w04 2/1 rau 31 par. 7]

10. Eda bamodia abia hidi karana dekenai, Genese 34:​1, 30 be ita dekenai dahaka ia hadibaia? [w04 2/1 rau 31 par. 10]