Basileia Anedia ese Ita Idia Hagoadaia

Paulo bona Sila be dibura ruma ai idia noho neganai, Dirava hanamoa anedia idia abia. (Kara 16:25) Hari iseda negai, Nazi Germany bona Siberia ena dibura kamepa ai, iseda tadikaka taihu be Basileia anedia idia abia. Unai sivarai ese idia hahedinaraia, iseda Keristani tadikaka taihu be hahetoho idia davaria neganai, unai bamona ane ese idia ia hagoadaia diba.

Kahirakahira gado ma haida ese inai ane buka matamata ena sinado, Iehova dekenai “Mai Moale Ida Ane Abia” do idia halasia. To idia halasia vadaeni ane be iseda ruma bese tomadiho lalonai ita abia diba, ane ena hereva ita praktis bona ita lalodiatao be namo. (Efe. 5:19) Bena hahetoho ita davaria neganai, lauma helaga ese ita do ia durua unai ane edia hereva ita laloatao totona. Basileia anedia ese ita ia durua diba iseda helaro ita laloa noho totona. Hahetoho ita davaria neganai, unai ane ese ita idia hagoadaia diba. Bona iseda hemami ia namo neganai, ane edia hagoadaia herevadia ese ita ia durua diba, ‘ane ita abia mai moale ida,’ badina iseda lalona be ia namo. (1 Siv. 15:16; Sal. 33:1-3) Namona be nega ibounai iseda Basileia anedia ita abia!

VIDIO LADANA, A SONG THAT INSPIRED LABORERS ITAIA MURINAI, INAI HENANADAI HAERELAIA:

• Dahaka gaudia idia vara dainai tadikaka Frost ese ane ta ia torea?

• Edena dala ai, unai ane ese dibura kamepa ai idia noho tadikaka taihu ia hagoadaia?

• Basileia anedia ese edena bamona negadiai oi ia hagoadaia diba?

• Edena Basileia anedia oi ura oi laloatao?