Keriso Ena Aena Gabudia ai Do Umui Raka Namonamo

Hahetoho o dagedage ita davaria negadiai, Iesu ena haheitalai ita tohotohoa be namo. (1Pe 2:21-23) Ena be haida be Iesu idia hereva dika henia, bona haida ese ia idia hahisia, to Iesu be kara ta ia karaia lasi. (Mr 15:29-32) Dahaka dainai ia haheauka? Badina ia ura bada Iehova ena ura ia karaia. (Ioa 6:38) Bona “iena vairanai ia noho moalena” ia laloa bada.​—⁠He 12:2.

Iseda abidadama dainai ita idia hahisia neganai, edena bamona ita kara? Keristani taudia momokanidia be ‘ta ena dika davana idia haloua lasi.’ (Ro 12:14, 17) Keriso ese hisihisi ia haheaukalaia dalana ita tohotohoa neganai, ita moale diba badina Dirava be ita dekenai ia moale.​—⁠Mt 5:10-12; 1Pe 4:12-14.

VIDIO LADANA IEHOVA ENA LADANA BE MAI ANINA BADA ITAIA MURINAI, HENUNAI IDIA NOHO HENANADAI HAERELAIA:

• Taihu Pötzingera be dibura ruma ai ia noho neganai, edena dala ai ena nega ia gaukaralaia namonamo?

• Dibura ruma idauidau ai Tadikaka bona Taihu Pötzinger be edena hisihisi idauidau idia haheaukalaia?

• Dahaka dainai idia haheauka?