Tau Bona Hahine ese Edia Headava Idia Hagoadaia Diba Dalana

Aberahamo bona Sara be haheitalai namona headava taudia dekenai, badina idia lalokau bona hemataurai heheni. (Ge 12:11-13; 1Pe 3:6) To idia danu be goevadae lasi taudia dainai, edia mauri lalonai hekwakwanai haida idia haheaukalaia. To headava taudia ese Aberahamo bona Sara edia haheitalai amo dahaka do idia dibaia?

Herevahereva karana be mai anina bada. Bema emu adavana be mai lalohisihisi ida ia hereva, namona be mai manau ida ia oi hereva henia. (Ge 16:5, 6) Nega umui atoa umui moale hebou totona. Nega ibounai emu hereva bona kara amo oi hahedinaraia emu adavana oi lalokau henia. To stadi, guriguri, bona tomadiho hebou karana amo emui hetura karana Iehova ida umui hagoadaia be gau badana. (Had 4:12) Headava goadana ese Iehova, headava ia Havaraia Tauna, ia hanamoa.

VIDIO LADANA HEADAVA IA GOADA LOU DALANA ITAIA, BENA INAI HENANADAI HAERELAIA:

• Inai haheitalai ai, dahaka ese ia hahedinaraia Shaan bona Kiara edia hetura karana be metairametaira ia dika ia lao?

• Dahaka dainai headava taudia be mai momokani ida idia herevahereva be mai anina bada?

• Edena dala ai Aberahamo bona Sara edia haheitalai ese Shaan bona Kiara ia durua?

• Shaan bona Kiara be dahaka idia karaia edia headava idia hagoadaia totona?

• Dahaka dainai tau bona hahine idia laloa lasi edia headava be hanaihanai do ia goevadae?