Vaira Nega Ena Ruhaia Karana​—Iehova Bona Iesu Tanikiu Henia

Dina ta ta ai dahaka totona oi lalohekwarahi? Oi be ruma bese kwarana ta bona emu famili naria totona oi gaukara goada noho, a? Oi be single tama o sina ta bona emu natudia naria totona oi hekwarahi noho, a? Oi be matamata ta bona sikuli ai ma haida ese oi idia bully henia, a? Eiava gorere badana ta o buruka dainai oi mamia hisihisi oi haheaukalaia noho, a? Ita ibounai be mai iseda hekwakwanai. Keristani taudia momo be hekwakwanai idauidau idia haheaukalaia noho. To ita diba kahirakahira Iehova ese inai hekwakwanai amo ita do ia ruhaia.​—2Ko 4:16-18.

Ita naria noho lalonai, Iehova ese iseda hekwakwanai ia lalopararalaia, iseda haheauka bona badinaia karana ia laloa bada, bona vaira negai ita do ia hanamoa karana ita diba neganai, unai ese ita ia hagoadaia. (Ie 29:11, 12) Iesu danu be ita ia laloa bada. Unai dainai, iseda Keristani maduna idauidau ita hagugurua neganai, Iesu ia gwauhamata: “Lau be . . . umui ida do lau noho.” (Mt 28:20) Dirava ena Basileia henunai ita do ia ruhaia karana ita laloa dobu neganai, unai ese iseda helaro do ia hagoadaia bona iseda lalona do ita hadaia hari ita davaria hekwakwanai ita haheaukalaia totona.​—Ro 8:19-21.

VIDIO LADANA NEGA DIKANA LALONAI IESU UMUI ITAIA NOHO!​—VAIRA NEGANA AI BASILEIA ENA HAHENAMO ITAIA, BENA INAI HENANADAI HAERELAIA:

• Edena dala ai taunimanima be Dirava amo idia daudau bona dahaka ia vara?

• Iehova idia abidadama henia taudia be vaira negai edena bamona mauri do idia moalelaia?

• Edena bamona unai mauri namona do ita abia?

• Vaira negai edena hahenamo oi ura moalelaia?