KERISTANI TAUDIA EDIA MAURI DALANA
Iehova ese Ita Ia Durua Iseda Hahetoho Ita Haheaukalaia Totona
Inai nega dokona ai hahetoho momo ita davaria. Nega haida do ita mamia, ia auka ita davaria hahetoho ita haheaukalaia totona. To bema Iehova kahirakahira ita lao, ita do ia durua ita davaria hahetoho idauidau ita haheaukalaia totona. (Isa 43:2, 4) Hahetoho ita davaria neganai, edena bamona Iehova kahirakahira ita lao diba?
Guriguri. Guriguri amo Iehova dekenai ita lalohekwarahilaia gaudia ita gwauraia neganai, lalomaino bona goada do ia henia ita haheauka totona.—Fp 4:6, 7; 1Te 5:17.
Hebou. Hari Iehova ese iseda hebou ta ta ai, ia henia lauma aniani bona hebamo karana ita moalelaia be namo. (He 10:24, 25) Hebou totona ita hegaegae, ita lao bona kongrigeisen heboudia ai haere ita henia neganai, Iehova ena lauma helaga ena heduru amo namo ita abia.—Apo 2:29.
Haroro Gaukara. Bema haroro gaukara ai ita bisi neganai, gau namodia do ita laloa. Iseda gaukara turadia bona Iehova ida iseda hetura karana do ia goada.—1Ko 3:5-10.
VIDIO LADANA IEHOVA ESE OI DO IA NARIA ITAIA, BENA INAI HENANADAI HAERELAIA:
Dahaka ese Malu ia durua, hahetoho negadia ai Iehova kahirakahira ia noho totona?
Malu bamona, edena dala ai Salamo 34:18 ese ita ia hagoadaia diba?
Edena dala ai Malu ena ekspiriens ese ia hahedinaraia, Iehova be hahetoho negadia ai, ita dekenai “taunimanima edia siahu ia hereaia” gauna ia henia diba?—2Ko 4:7