Iehova Ena Witnes Taudia Bona Ala-ala Dikana o Holocaust—Baibel be Dahaka Ia Gwau?

January 27, 2023 ai, taunimanima momo ese International Holocaust Remembrance Day do idia moalelaia. Lagani 75 gunanai idia vara dika badadia dainai reana do oi laloa dahaka dainai Dirava ese Holocaust ia koua lasi.

•  Baibel ese unai ia herevalaia dalana oi diba totona, atikol ladana “Dahaka Dainai Ala-ala Dikana o Holocaust Idia Vara? Dahaka Dainai Dirava Ia Koua Lasi?” oi duahia.

Jewish taudia be Holocaust amo dika bada idia davaria. Taunimanima milioni momo idia mase. Orea ma haida taudia danu idia hahisidia bona Holocaust negana ai idia hamasedia. Unai orea ta be Iehova ena Witnes taudia, idia be Baibel amo idia abia dae gaudia dainai idia dagedage henia.

• Diba ma haida abia totona, atikol ladana, “What Happened to Jehovah’s Witnesses During the Time of the Holocaust?” oi duahia.

“Vaira nega ai noho namo”

Momo idia gari badina idia laloa Holocaust ia vara lou diba. To, ita moale badina Baibel ia gwauhamata vaira neganai unai bamona karadia do idia vara lasi.

• “Iehova ia gwau: ‘Lau diba umui totona dahaka do lau karaia, lau ese umui dekenai maino do lau henia, bona dika do lau henia lasi, unai amo vaira nega ai noho namo do umui davaria.’”​—Ieremia 29:11.a

Iehova Dirava ese kara dika do ia haorea bona gau ibounai do ia hanamoa lou neganai noho namo do ia vara. Kahirakahira Ia ese:

• Ma haida idia dagedage henia taudia do ia kokia.​—Aonega Herevadia 2:22.

• Hisihisi idia davaria taudia ibounai edia hisihisi do ia haorea.​—Apokalupo 21:4.

• Tanobada dekenai mase taudia do ia hatoreaisi lou.​—Ioane 5:28, 29.

Baibel ese ia gwauraia helaro namona oi abidadama henia diba. Unai oi dibaia totona, oi ai invait emai davana lasi Baibel stadi kosi oi tohoa.