Kara Koikoi Politikol Taudia—Dirava Ena Basileia ese Dahaka Do Ia Karaia?

Taunimanima be kara koikoi politikol taudia dekenai idia hesiku vadaeni, unai dainai idia ura idia trast henia diba gavamani gunalaia taudia ese idia do idia naria. Lagani 2023 ena sevei ta ai idia hahedinaraia tanobada hegegemadai taunimanima momo ese gavamani gunalaia taudia idia trast henia lasi.a

Baibel ese ia herevalaia gavamani ta ena Gunalaia Tauna be ita trast henia diba bona kara momokani ia badinaia, bona ia kara koikoi lasi. Unai gavamani be Dirava ena Basileia bona ena Gunalaia Tauna be Iesu Keriso.—Isaia 9:7.

Iesu ese ia hamomokania vadaeni ia be taunimanima ia laloa bada. (Mataio 9:35, 36) Iesu be Dirava ena Basileia ena King dainai, ia ese ena henunai do idia noho taudia dekenai kara maoromaoro bona maino do ia mailaia.—Salamo 72:12-14.