Sibona Noho Karana Hanaia Totona Ma Haida Durua—Baibel be Dahaka Ia Gwau?

Tanobada ibounai ai taunimanima idia mamia sibona idia noho bona idia laloa ma haida idia tura henia be auka. Helt ena diba bada taudia haida idia abia dae unai hemami hanaia totona ma haida durua karana be dala ta.

• “Heduru idia ura taudia durua karana ese iseda mauri ia durua bada diba bona sibona noho karana ena hemami do ita dadaraia.”​—U.S. National Institutes of Health.

Baibel ese ma haida ita durua diba daladia haida ia herevalaia. Unai ita badinaia neganai, sibona noho ena hemami ita hanaia diba.

Oi karaia diba gauna

Hariharibada karana. Dala ia kehoa neganai, ma haida oi bamoa. Mai ura ida oi dekenai idia noho gaudia be ma haida durua totona oi hariharilaia. Unai bamona oi karaia neganai, emu kara namodia dainai oi do idia tura henia.

• Baibel ena hakaua hereva: “Henia karana do umui manadalaia, vadaeni taunimanima ese umui dekenai do idia henia.”​—Luka 6:38.

Emu nega bona goada gaukaralaia ma haida durua totona. Dala tahua hekwakwanai idia davaria taudia oi durua totona. Unai oi karaia dala ta be edia hereva oi kamonai namonamo eiava idia totona gaukara haida oi karaia idia durua totona.

• Baibel ena hakaua hereva: “Turana ta be hekwakwanai negadia ai ia noho oi ia durua totona.”​—Aonega Herevadia 17:17, Contemporary English Version.

Emu hetura karana ma haida ida oi hanamoa totona, inai atikol “Famili Maurina Bona Hetura Karana” oi duahia.