Social Media ese Emu Natuna Dekenai Dika Ia Havaraia, A?—Baibel ese Tama Sina Ia Durua Diba Dalana

“Mentol helt be hekwakwanai badana matamata taudia dekenai bona unai ia vara ena badina ta be social media.”—Dr. Vivek Murthy, U.S. surgeon general, New York Times, June 17, 2024.

Edena dala ai tama sina ese edia natudia idia gimaia diba? Baibel ena sisiba herevadia ese dala namodia haida ia hahedinaraia.

Tama sina ese idia karaia diba gauna

Inai Baibel ena hakaua herevadia itaia.

“Aonega tauna be do ia karaia gaudia ia laloa namonamo guna.”—Aonega Herevadia 14:15.

Social media ese emu natuna do ia hadikaia dainai, namo lasi natuna ena ura oi abia dae sibona. Emu natuna natuna mero o kekeni be social media ia do gaukaralaia lasi neganai, namona be ia ida social media gaukaralaia ena hetoana, tura namodia idia abia hidi, bona social media ai, maoro lasi gaudia idia dadaraia dalana umui herevalaia.

• Diba ma haida abia totona, inai atikol, “Should My Child Use Social Media?” bona “Teaching Your Teenager Social Media Safety” duahia.

“Emui nega do umui gaukaralaia namonamo.”—Efeso 5:16.

Bema natuna ese social media ia gaukaralaia totona gwaumaoro oi henia, taravatu haida oi atoa, bona ia do ia durua bona gimaia ena namo oi herevalaia. Bema oi itaia emu natuna ena kara ia senisi noho, unai ese ia hahedinaraia emu natuna mero o kekeni ese social media ia gaukaralaia momo lasi be namo.

• Emui natudia umui durua nega ena hetoana idia lalopararalaia totona, inai katun vidio, ladana Mai Aonega ida Intanet Gaukaralaia umui itaia.

Diba ma haida abia

Baibel ia gwau ita noho negana ai “nega aukadia do idia vara, unai ese taunimanima do idia hametaua bada.” (2 Timoteo 3:1-5) Danu, ita haheauka totona ita ia durua diba Baibel ena sisiba namodia momo idia noho. Tama sina bona edia natudia durua totona Baibel atikol ibounai 20 mai kahana ena lista be inai atikol ladana matamata taudia dekenai mentol helt gorerena lalonai idia noho.