Yan Zabolotnyi/stock.adobe.com
UMUI GIMA NOHO!
Taravatu Utua Karana Ia Bada Noho—Baibel be Dahaka Ia Gwau?
Haiti ai raskol taudia ese dika bada idia havaraia. South Africa, Mexico bona Latin America ena gabu haida dekenai danu raskol taudia ese dagedage karadia idia havaraia. Dagedage karadia idia vara momo lasi gabudia dekenai danu taunimanima be idia gari bona laloa momo badina raskol taudia idia henaohenao, kohu idia hadikaia bona gabua ena sivarai idia kamonai.
Baibel ese tanobada hegegemadai ia vara noho taravatu utua karadia be edena bamona ia herevalaia?
Baibel ese taravatu utua karadia ia herevalaia
Baibel ia peroveta taravatu utua karana be “nega oromana ena dokona” ena toa ta. (Mataio 24:3) Idia vara gaudia ese unai toa do ia hahedinaraia karana, be Iesu Keriso ese ia herevalaia neganai, ia gwau:
“Kara dika be do ia bada dainai, taunimanima momo edia lalokau be do ia keru.”—Mataio 24:12.
Danu Baibel ia peroveta “dina gabedia ai” taunimanima be “sibona do idia biagua lasi, do idia dagedage, kara namodia do idia ura henia lasi.” (2 Timoteo 3:1-5) Unai bamona sibona laloa bada karadia ese hari ita itaia noho taravatu utua karadia ia havaraia.
To badina namona dainai mai iseda helaro. Baibel ia gwauhamata kahirakahira taravatu utua karadia be do idia ore.
“Nega daudau lasi murinai, kara dika taudia do idia noho lasi. Idia noho gabuna dekenai idia do oi tahua, to idia do oi davaria lasi. To manau taudia ese tanobada do idia abia, bona do idia moale bada, badina gabu ibounai dekenai maino do ia noho.”—Salamo 37:10, 11.
Baibel ena hereva helaro totona diba ma haida oi abia. Bona dahaka dainai oi abia dae diba hari inai negai idia vara gaudia, ese Baibel ena peroveta hereva ia hagugurua ena diba ma haida oi abia. Inai atikol duahia.
“Helaro Korikorina Vaira Nega Totona”