Daika Oi Trast Diba?​—⁠Baibel be Dahaka Ia Gwau?

Taunimanima momo idia lalohisihisi badina idia trast henia taudia be idia kara momokani lasi. Momo be haida trast henia karana idia hadokoa, badina:

• politikol taudia momo be sibona edia namo idia laloa, to taunimanima totona gau namodia idia karaia lasi.

• media ese idia halasia sivarai be maoro bona momokani lasi.

• saiens taudia haida be taunimanima edia namo idia laloa lasi.

• tomadiho gunalaia taudia be politikol karadia lalonai idia vareai to Dirava idia herevalaia lasi.

Taunimanima trast henia karana dekenai ita naria namonamo be mai anina bada. Baibel ia gwau:

•  “Lohia taudia umui abidadama henia lasi bona taunimanima danu, badina idia ese umui idia hamauria diba lasi.”​—Salamo 146:3.

Oi trast diba tauna

 Baibel ese oi trast diba tauna ia hahedinaraia: Iesu Keriso. Ia be lagani momo gunanai ia noho tau namona ta sibona lasi. Dirava ese Iesu ia abia hidi ‘do ia lohia . . . bona ena Basileia be do ia doko lasi.’ (Luka 1:32, 33) Iesu be Dirava ena Basileia, hari guba ai ia lohia noho, ena King.​—Mataio 6:10.

• Iesu oi trast henia ena badina oi diba totona, inai atikol oi duahia “Dirava Ena Basileia Ena King be Daika?” bona “Dirava Ena Basileia ese Dahaka Do Ia Hagugurua?”