2. Ita Davaria Hisihisi Dainai Sibona Do Ita Bleim Be Maoro, A?

Dahaka Dainai Ena Haere Ita Diba be Gau Badana?

Bema haere be oibe, vadaeni hisihisi ita hamaragia diba.

Oi Lalohadailaia Totona

Edena dala ai taunimanima ese inai hisihisi idia havaraia?

• 

  Abuse.

  World Health Organization (WHO) ese ia hahedinaraia taunimanima badadia foa amo tamona bamona be idia maragi negana amo dagedage idia davaria bona hahine toi amo tamona bamona be reana edia mauri ai dagedage eiava sex karana amo dika idia davaria.

• 

  Iseda Lalokau Taudia Idia Mase.

  World Health Organization edia ripoti ta, World Health Statistics 2018 ai, ia gwau: “Lagani 2016 ai, ala-ala karana 477,000 bamona be tanobada hegegemadai idia vara.” Danu unai lagani lalonai taunimanima 180,000 bamona be tuari bona heai lalonai idia mase.

• 

  Gorere Idauidau.

  National Geographic magasin ena toretore tauna, Fran Smith ia torea atikol ta ai, ia gwau: “Taunimanima bilioni mai kahana be kuku idia ania, bona mase idia havaraia gaudia edia ripoti amo kuku ania karana be gau namba 5: kudou gorere, stroke, kensa, hahodi namonamo lasi eiava chronic obstructive pulmonary gorere bona lung kensa.”

• 

  Bese Ta Hahegeregerea Karana.

  Psychologist tauna, Jay Watts ia gwau: “Ogogami, moni gaukara hahegeregerea karana, bese idaudia inai henia kava karana, tau eiava hahine laloa maragi karana, edia gabu amo idia luludia karana bona bese abia isi karana ese lalohekwarahi ia habadaia.”

  DIBA MA HAIDA ABIA

  Inai vidio ladana, Dahaka Dainai Dirava ese Tanobada Ia Karaia? be jw.org ai oi itaia.

Baibel Ia Gwau

Hari tanobada ai taunimanima ese hisihisi momo idia havaraia noho.

Kara auka gavamani taudia ese hisihisi momo idia havaraia dainai do idia durua taudia edia mauri ia auka.

“Taunimanima haida ese ma haida idia biagua noho, bona idia hisihisi henidia noho.” ​—HADIBAIA TAUNA 8:9.

Hisihisi ita hamaragidia diba.

Baibel ena hakaua herevadia badinaia karana ese gorere lasi maurina bona mai maino ida ma haida tura henia karana ia havaraia diba.

“Bema oiemu kudouna be mai ena maino danu neganai, oiemu tauanina do ia noho namo, to mama ese oiemu gorere dikana do ia havaraia.”​—AONEGA HEREVADIA 14:30.

“Namona be inai heheni karana, badu, badu dikadika, boiboi badabada, hadikaia herevadia, bona dika gaudia ibounai danu, umui dadaraia.”​—EFESO 4:31.