Edena Dala ai Baibel ese Oi Ia Durua Diba?

Ita ibounai be mai iseda henanadai mauri ai idia vara gaudia, hisihisi, mase, bona vaira negana totona. Danu dina ta ta ai do ita karaia gaudia dainai ita laloa momo, hegeregere edena bamona moni do ita abia eiava famili do ia moale. Taunimanima momo idia davaria Baibel ese edia henanadai badadia ia haerelaia, danu edia dina ta ta maurina ai sisiba namodia ia henia. Oi laloa oi diba tauna ta be Baibel ese ia durua diba, a?

1. Baibel ese dahaka henanadai haida ia haerelaia?

Baibel ese inai henanadai badadia ia haerelaia: Mauri be edena bamona ia matamaia? Ita mauri ena badina be dahaka? Dahaka dainai taunimanima be hisihisi idia davaria? Ta ia mase neganai dahaka ia vara? Taunimanima ibounai idia ura maino ai idia noho, to dahaka dainai tuari idia vara? Vaira negana ai tanobada dekenai dahaka do ia vara? Baibel be ita ia durua unai bamona henanadai edia haere ita tahua totona, bona taunimanima milioni momo ese haere maorodia idia davaria.

2. Edena dala ai Baibel ese ita ia durua diba dina ta ta maurina ita moalelaia totona?

Baibel ese sisiba namodia ia henia. Hegeregere, famili ia durua edia mauri idia moalelaia totona. Danu, lalohekwarahi haheaukalaia bona gaukara ita moalelaia dalana ia hadibaia. Baibel ese unai topik idauidau ia haerelaia dalana bona gau ma haida be inai buka ita stadilaia neganai do oi dibaia. Bona inai hereva dekenai do oi lalotamona “Toretore Helagadia [Baibel lalonai idia noho gau ibounai] . . . be mai ena namo.”​—2 Timoteo 3:16.

DIBA MA HAIDA ABIA

Baibel ese taunimanima ia durua bona Baibel duahiduahi oi moalelaia dalana do oi dibaia. Danu do oi diba Baibel oi lalopararalaia totona dahaka dainai heduru oi abia be namo.

3. Baibel be ita ia hakaua diba

Baibel be tosi ena diari bamona. Ita ia hakaua diba abia hidi maorodia ita karaia bona vaira nega ai do idia vara gaudia ia hadibaia.

Salamo 119:105 duahia, bena inai henanadai herevalaia:

• Inai Salamo bukana ia torea tauna ese Baibel be edena bamona ia laloa?

• Baibel be edena bamona oi laloa?

4. Baibel ese iseda henanadai ia haerelaia diba

VIDIO: Nega Ibounai Hesiku Lasi! (1:48)

• Vidio ai, unai hahine be dahaka henanadai ia laloa?

• Edena dala ai Baibel stadilaia karana amo heduru ia abia?

Baibel be ita ia hagoadaia henanadai ita henia totona. Mataio 7:7 duahia, bena inai henanadai herevalaia:

• Baibel ese ia haerelaia diba henanadai ta oi laloa, a?

5. Baibel duahiduahi oi moalelaia diba

VIDIO: Baibel Duahiduahi (2:05)

• Vidio ai, matamata taudia be duahiduahi karana dekenai dahaka idia laloa?

• Ena be duahiduahi karana idia moalelaia lasi, to dahaka dainai idia ura Baibel idia duahia?

Baibel ena hakaua herevadia ese ita ia hagoadaia bona helaro ia henia diba. Roma 15:4 duahia, bena inai henanadai herevalaia:

• Baibel ese ia gwauraia gwauhamata bona helaro dekenai oi ura diba ma haida oi abia, a?

6. Baibel ita dibaia namonamo totona, haida amo heduru ita abia

Baibel idia duahia taudia idia davaria, ma haida ida Baibel idia herevalaia karana be mai ena namo. Kara 8:26-31 duahia, bena inai henanadai herevalaia:

• Edena dala ai Baibel ita lalopararalaia diba? ​—Siri 30 bona 31 itaia.

POINT BADANA

Baibel ese dina ta ta maurina totona sisiba namodia ia henia, mai anina bada henanadai ia haerelaia, taunimanima ia durua bona helaro ia henia.

Riviu

• Baibel ai dahaka sisiba ita davaria diba?

• Baibel ese dahaka henanadai haida ia haerelaia?

• Oi ura Baibel amo dahaka oi dibaia?

REFERENS ITAIA

Hari, Baibel ese mai anina bada sisiba namodia ia henia.

“Baibel​—Aonega amo Ia Honu Bukana” (Gima Kohorona No. 1 2018)

Tau ta be ia mero maragi negana amo ia lalohisihisi, bona Baibel ese ia durua dalana mani oi itaia.

Baibel ese Egu Mauri Ia Hamatamataia Dalana (2:53)

Baibel ena sisiba namodia famili totona itaia.

“Ruma Bese Ia Moale Daladia 12” (Noga! No. 2 2018)

Taunimanima momo idia daradara daika ese tanobada ia lohiaia, Baibel ese unai ia haerelaia dalana do oi dibaia.

Dahaka Dainai Baibel Stadilaia?​—Vidio Ibounai (3:13)