HEREVAHEREVA HAMATAMAIA
LESENI 6
Gari Lasi
Hakaua Hereva: “Iseda Dirava ena heduru amo mai gari lasi ida umui dekenai Dirava ena sivarai namona ai gwauraia.”—1 Tes. 2:2.
Iesu ese Ia Karaia Gauna
1. VIDIO itaia, eiava Luka 19:1-7 duahia. Bena inai henanadai oi laloa:
Dahaka dainai haida idia ura lasi Sakaio idia hereva henia?
Dahaka dainai Iesu ia ura Sakaio dekenai sivarai namona ia harorolaia?
Iesu amo Dahaka Ita Dibaia?
2. Namona be mai gari lasi ida Basileia ena sivarai namona ita harorolaia.
Iesu Tohotohoa
3. Iehova dekenai oi tabekau. Dirava ena lauma helaga ese Iesu ia hagoadaia ia haroro totona, oi danu ia hagoadaia diba. (Mat. 10:19, 20; Luka 4:18) Iehova oi noia oi ia durua mai gari lasi ida oi gari henia taudia oi haroro henia totona.—Kara 4:29.
4. Ma haida oi hahemaoro henia lasi. Reana taunimanima haida be edia toana, noho dalana, edia kara, eiava edia tomadiho dainai do ita ura lasi idia ita hereva henia. To laloatao:
Iehova bona Iesu be taunimanima edia kudouna ai idia noho gaudia idia diba; ita be lasi.
Namo lasi ita laloa ta be Iehova ese ia durua diba lasi.
5. Oi gari lasi, to oi aonega bona oi naria namonamo. (Mat. 10:16) Hepapahuahu lasi. Bema oi hereva henia tauna ia ura lasi sivarai namona ia kamonai eiava ia dagedage, vadaeni mai hemataurai ida emu hereva oi hadokoa.—Aon. 17:14.