LOU HENIA KARAIA NOHO
LESENI 9
Hebogahisi Henidia
Hakaua Hereva: “Idia moale taudia ida umui moale, bona idia taitai taudia ida umui taitai.”—Roma 12:15.
Iesu ese Ia Karaia Gauna
1. VIDIO itaia, eiava Mareko 6:30-34 duahia. Bena inai henanadai oi laloa:
Dahaka dainai Iesu bona iena aposetolo taudia idia ura “taunimanima lasi gabuna dekenai idia lao”?
Dahaka dainai Iesu be hutuma ia hadibaia?
Iesu amo Dahaka Ita Dibaia?
2. Taunimanima ita hebogahisi henia dainai idia dekenai sivarai namona ita gwauraia sibona lasi, to danu ita ura durudia.
Iesu Tohotohoa
3. Kamonai Henidia Namonamo: Nega ita henia, ta be iena lalohadai ia gwauraia totona. Iena hereva ita utua lasi, iena hemami, ia laloa gaudia bona iena koua herevadia ita kamonai henia namonamo. Unai bamona ita karaia neganai, do ia mamia iena lalohadai ita laloa bada.
4. Kamonai tauna oi laloa. Umui herevalaia gaudia hegeregerena, sibona oi nanadaia:
‘Dahaka dainai hereva momokani ia kamonai be namo?’
‘Edena dala ai ia ida Baibel stadilaia karana ese iena mauri, hari bona vaira nega ai namo ia havaraia diba?’
5. Ia do ia durua infomeisen oi herevalaia. Dala ia kehoa neganai, maoromaoro Baibel stadilaia karana ese iena henanadai do ia haerelaia bona ia do ia durua daladia oi hahedinaraia.