Hebogahisi Hahedinaraia

Hebogahisi ena anina be ta ena lalohadai, hemami, ia laloa bada gaudia, bona ma haida durua karana ia herevalaia. Ma haida ita hebogahisi henia neganai, unai idia mamia. Haroro gaukara ai taunimanima dekenai hebogahisi ita hahedinaraia neganai, ita be Iehova ena lalokau bona idia ia laloa bada karana ita hahedinaraia, unai ese idia do ia veria ia idia dibaia totona.​—Fp 2:4.

Hebogahisi be haroro gaukara ai ita hahedinaraia karana ta sibona lasi. Ia be ma ta ena hereva ita kamonai namonamo, ia ita hereva henia dalana, iseda imana ita gaukaralaia dalana bona iseda vairana ena toana amo ita hahedinaraia. Ma ta ita laloa bada neganai, ita be hebogahisi karana ita hahedinaraia. Ia laloa bada gaudia, ia abia dae gaudia bona ena noho dalana ita laloa. Bona Baibel amo ia ita durua, to ita doria lasi ena mauri ia haidaua totona. Ita haroro henia taudia ese iseda heduru idia abia dae neganai, unai ese iseda moale ia habadaia.

VIDIO LADANA HAHEDIBA TAUDIA HALAOA GAUKARANA OI MOALELAIA​—EMU HARORO DALADIA HANAMOA​—HEBOGAHISI HAHEDINARAIA ITAIA, BENA INAI HENANADAI HAERELAIA:

• 

  Jade be ia leiti neganai, Neeta be edena dala ai hebogahisi ia hahedinaraia?

• 

  Jade ia gwau ia hegeregere lasi ena stadi ia karaia neganai, edena dala ai Neeta be hebogahisi karana ia hahedinaraia?

• 

  Jade ia gwau ia be nega lasi gau ibounai ia karaia neganai, edena dala ai Neeta ese hebogahisi karana ia hahedinaraia?