“Sivarai Namona Dekenai Lau Hemarai Lasi”

“Lau be Sivarai Namona dekenai lau hemarai lasi momokani. Badina be Sivarai Namona be Dirava ena siahu, abidadama taudia ia hamauria.”​—ROMA 1:16.

1. Taunimanima be sivarai namona ta be edena bamona idia laloa, to inai tanobada ena kamonai lasi taudia be Basileia ena sivarai namona be edena bamona idia laloa?

SIVARAI ta tau ta dekenai be sivarai namona, to reana ma tau ta dekenai unai sivarai be sivarai namona lasi. Nega momo, sivarai namona ia mailaia tauna be mai moale danu idia abia dae, bona idia naria noho ia mailaia sivaraina idia kamonai henia totona. To, Bible ia peroveta, ia gwau, abidadama lasi tanobada taudia ese Basileia ena sivarai namona bona hahemauri sivaraina do idia moalelaia lasi.​—2 Korinto 2:​15, 16 oi itaia.

2. Aposetolo Paulo ia harorolaia sivaraia namona dekenai dahaka ia gwau, bona dahaka dainai ia gwauraia herevana be do sivarai namona iseda nega lalonai?

² Aposetolo Paulo be idia siaia taunimanima dekenai sivarai namona ia harorolaia totona. Iena lalohadai unai gaukara dekenai be dahaka? Ia gwau: “Lau ura umui Roma noho taudia dekenai danu Sivarai Namona do lau harorolaia. Lau be Sivarai Namona dekenai lau hemarai lasi momokani.” (Roma 1:​15, 16) Lagani 2,000 gunanai, aposetolo Paulo be Roma Keristen taudia ia toretore henidia herevana be sivarai namona, to unai nega ia mai hari ia torea herevana be do sivarai namona, eiava? Oibe, ia be “noho hanaihanai Sivarai Namona.”​—Apokalupo 14:6.

3, 4. Dahaka dainai aposetolo Paulo ia gwau sivarai namona dekenai ia hemarai lasi?

³ Dahaka dainai aposetolo Paulo ia gwau sivarai namona dekenai ia hemarai lasi? Ia be mai ena dala ia hemarailaia diba eiava lasi. Ia hemarai diba badina taunimanima momo be unai sivarai idia ura lasi idia kamonai henia; unai sivarai be hisihisi auna ta dekenai tau ta idia taua dae kara dika bada tauna ta bamona. Unai tau be tau dikana bamona, bona unai sivarai idia ura lasi kamonai henia. Lagani toi mai kahana lalonai, unai tau be Palestine dekenai sivarai namona ia harorolaia, bona Iuda taudia, bona Iuda tomadiho gunalaia taudia be idia dagedage henia bada. Bona gabeai, Paulo be idia dadaraia tauna ena ladana dekenai ia lao haroro dainai, Paulo danu idia dagedage henia.​—Mataio 9:35; Ioane 11:​46-48, 53; Kara 9:​15, 20, 23.

⁴ Unai dagedage karana dainai, reana taunimanima idia laloa Paulo bona idia bamoa taudia, Iesu Keriso ena hahediba taudia unai, be hemarai gaukarana idia karaia. Guna, Paulo ia laloa unai gaukara be hemarai gauna, to gabeai unai gaukara ia karaia. Guna, ia be Iesu Keriso ena hahediba taudia ia dagedage henidia bada. (Kara 26:​9-11) To gabeai unai bamona kara ia rakatania. Unai dainai, taunimanima ese ia, bona ma Keristen taudia haida, idia dagedage henidia bada.​—Kara 11:26.

5. Sivarai namona dekenai ia hemarai lasi herevana ia gwauraia neganai, Paulo be ena hereva ena anina edena bamona ia hahedinaraia?

⁵ Bema ta be ia hemarai ia be Iesu Keriso ena hahediba tauna dainai, unai anina be taunimanima edia lalohadai ia abia. Aposetolo Paulo be unai bamona lalohadai ia abia lasi. To, sivarai namona dekenai ia hemarai lasi ena badina ia gwauraia, ia gwau: “Sivarai Namona be Dirava ena siahu, abidadama taudia ia hamauria.” (Roma 1:16) Bema Dirava ena siahu be Iesu ena hahediba tauna ta ia hasiahua hairai Diravana ena ura ia harorolaia totona, unai be hemarai gauna ta lasi, badina Iesu Keriso be unai Dirava ia tomadiho henia bona ena ladana ia hanamoa.​—1 Korinto 1:18; 9:​22, 23 oi itaia.

Sivarai Namona Idia Harorolaia Tanobada Ibounai Dekenai

⁶ Paulo hegeregerena, hari inai nega lalonai Iehova ena Witness taudia be Dirava ese ia hahairaia Natuna, Iesu Keriso ena hahediba taudia ai idia lao. Iehova ese ena Witness taudia dekenai maduna ia henia “Sivarai Namona” idia harorolaia totona. (1 Timoteo 1:11) Iehova ena Witness taudia ese unai maduna badana idia huaia noho, bona namona be unai gaukara dainai idia hemarai lasi. (2 Timoteo 1:8) Gau badana be ita haroro bona ita hahedinaraia ita be Iehova ena Witness taudia, ita gari eiava ita hemarai dainai unai kara ita hunia be namo lasi.a

6, 7. (a) Iehova ena Witness taudia edia maduna sivarai namona dekenai be dahaka, bona unai maduna idia huaia dainai dahaka ia vara noho? (b) Ena be ita gari lasi sivarai namona ita harorolaia totona, to nega haida dahaka ita karaia be ia namo? (Henuna hereva itaia.)

⁷ Gari lasi bona mai goada danu haroro gaukara idia karaia dainai, tanobada ibounai lalonai Atai Herea Dirava ena ladana bona Basileia ena sivarai namona idia harorolaia tanobada ibounai dekenai. Dirava ena Natuna ia gwau: “Basileia ena Sivarai Namona be tanobada ibounai dekenai do idia harorolaia. Vadaeni unai murinai dokona be do ia ginidae.” Bona ia perovetalaia herevana be do ia guguru. (Mataio 24:14) Hari inai nega lalonai, sivarai namona be ia hanaia tano idauidau 210 lalonai idia karaia, bona haroro gaukara ia do ore lasi. Sivarai namona dekenai do ita hemarai lasi, bona vaira dinana dekenai dahaka do ia vara garina do ita gari lasi, namona be ita guriguri Iesu Keriso ena hahediba taudia ginigunadia idia guriguri bamona, idia gwau: “[Iehova] e, . . . oiemu hesiai taudia dekenai goada oi henia, vadaeni ai ese oiemu hereva do ai gwauraia, gari lasi.”​—Kara 4:29.

8. Dahaka dainai ita lalohisihisi bada lasi tanobada ibounai dekenai Iehova ena Witness taudia idia dagedage henidia neganai?

⁸ Momokani, ena be tanobada ibounai dekenai Iehova ena Witness taudia idia inai henidia bona idia dagedage henidia, to unai be peroveta herevana ia hagugurua, bona unai ese ia hahedinaraia idia be mauri Dirava momokanina idia tomadiho henia taudia korikoridia. (Ioane 15:​20, 21; 2 Timoteo 3:12) Unai ia vara dainai idia lalohisihisi lasi, to sivarai namona idia harorolaia taudia be idia goada noho, badina idia diba Dirava ese ia lalo-namo henidia, bona idia diba Atai Herea Dirava, Iehova, ia abia hidi oreana dekenai idia noho.

9. Dahaka dainai tanobada ibounai dekenai ita idia dadaraia neganai ita laloa momo lasi?

⁹ Inai ita laloaboio lasi: Guba bona tanobada edia Atai Herea Diravana ese ita ia durua noho. Unai dainai, tanobada ena tomadiho orea bona politikol orea idauidau ese ita idia dadaraia be herevana, ani? Tanobada taudia be Dirava ena vara guna Natuna idia dadaraia, bona Iesu hegeregerena, do ita hemarai lasi ita idia dadaraia neganai. Ena aposetolo taudia dekenai ia gwau: “Tanobada taudia ese umui do idia badu henia, to umui diba vadaeni, idia ese lau dekenai idia badu henia guna vadaeni. Bema umui be tanobada ena taudia momokani neganai tanobada taudia ese umui do idia lalokau henia. To umui be tanobada ena lasi, lau ese tanobada dekena amo lau abia hidi umui, unai dainai tanobada ese umui do ia badu henia.”​—Ioane 15:​18, 19.

10. Witness dagedage henia karana badana be edena gabu amo ia vara, bona dahaka dainai Witness taudia ese unai kara dainai idia hemarai lasi?

¹⁰ Tanobada ibounai dekenai Iehova ena Witness taudia ese dagedage karadia idia haheaukalaia, to sibodia idia gwauraia Keristen tanodia momo dekenai unai dagedage karadia idia karaia. Ena be Keristen tomadiho oreadia ese Witness taudia idia dagedage henidia, to unai dagedage karana dainai ita gwau lasi Witness taudia be Keristen lasi taudia. To unai ese ia hahedinaraia idia be Keristen korikori taudia, idia be Dirava Iehova, Iesu Keriso ena Tamana, ena Witness taudia unai. Idia be Dirava ena Witness taudia dainai, idia hemarai lasi edia tomadiho totona dagedage idia abia neganai. Unai dainai, Paulo ena sisiba Keristen taudia ginigunadia dekenai, idia hemarai lasi totona, be mai anina hari inai negai Iehova ena Witness taudia dekenai danu.​—Filipi 1:​27-29 oi itaia.

Sivarai Namona Momokanina

¹¹ Ena gwauhamata besena dekenai Iehova ena gwauhamata herevana Isaia 43:10 dekenai ia guguru totona, gari lasi dekenai Iehova ena Witness taudia ese edia ladana idia abia dae. To Iesu Keriso murinai idia do raka noho. Iesu be edia Hakaua Tauna, ia idia tohotohoa. Ia danu be Iehova ena Witness tauna ta. Oibe, ia be Iehova ena Witness tauna badana.​—1 Timoteo 6:13; Apokalupo 1:5.

12. Tanobada ibounai dekenai Iehova ena Witness taudia idia harorolaia sivaraina be edena bamona, bona dahaka dainai idia harorolaia?

¹² Tanobada ibounai dekenai Iehova ena Witness taudia ese idia harorolaia sivaraina be sivarai iboudiai ia hereaia. Mesia ena Basileia ese taunimanima do ia durua bada, ma gavamani iboudiai ese taunimanima idia durua bada diba lasi. Iehova ese inai gavamani ia haginia tanobada ibounai do ia lohiaia totona, bona ena vara guna Natuna ia siaia diho tanobada dekenai taunimanima ia hamauridia totona. (Isaia 9:​6, 7) Tanobada ibounai dekenai Basileia ena sivarai namona idia harorolaia taunimanima do idia kamonai henia totona, bona idia be mai edia nega unai sivarai idia abia dae totona, danu bema idia abia dae, tauanina goevadae do idia abia bona tanobada paradaisona dekenai do idia mauri hanaihanai diba.

13. Dahaka dainai ita diba momokani Mesia ena Basileia be do ia namo herea momokani, bona hemarai lasi dekenai Witness taudia be idia gwau dahaka be gau namona?

¹³ Vadaeni, bema Iesu ese mase dikana ia haheaukalaia ena taunimanima do ia hamauridia bona do ia lohiadia totona, do ia ura gavamani hereadaena ta do ia henidia. Tanobada ibounai lalonai taunimanima ita hamaorodia herevana be inai: Namona be mai abidadama bona mai kamonai danu unai gavamani henunai do idia noho. Unai gavamani dainai ita hemarai lasi, to iseda kudouna ibounai ida taunimanima ibounai ita hagoadaia unai gavamani idia abia dae totona. Ena be dagedage ita davaria, to Basileia harorolaia gaukarana ita karaia goadagoada. Aposetolo Paulo ia gwauraia hegeregerena, ita ta ta ibounai ita gwau diba: “Lau be Sivarai Namona dekenai lau hemarai lasi momokani.”

14. Iesu ia gwauraia hegeregerena, iseda nega lalonai Basileia harorolaia gaukara ena bada be dahaka?

¹⁴ Basileia ena sivarai namona be tanobada ibounai dekenai do idia harorolaia Iesu ese ia perovetalaia, bona ia be mai anina bada sivaraina. (Mareko 13:10) Iehova ena Basileia be tanobada ena kahana daudau dekenai​—oibe tanobada ibounai dekenai do idia harorolaia ia perovetalaia totona, ia daradara lasi. (Kara 1:8) Iesu ia diba herevana taunimanima be edeseniai idia noho, iena kamonai hesiai taudia do idia goada karaia Basileia ena sivarai namona idia dekenai do idia harorolaia totona.

15, 16. (a) Daika daika ese sivarai namona do idia kamonai henia be maoro? (b) Ena be Diabolo ena orea be idia dekenai idia dagedage momo, to dahaka dainai Witness taudia ese haroro gaukara do idia karaia guguru?

¹⁵ Hari inai nega lalonai tanobada taudia edia namba be milion momo, bona tano bona motumotu iboudiai lalodiai idia noho. Ena be tano haida be daudau herea, to Iehova ena Witness taudia be idia goada karaia tano iboudiai dekenai idia lao sivarai namona idia harorolaia totona. Taunimanima idia noholaia tanobadana ibounai be Iehova Dirava ena aena atoa gabuna bamona. (Isaia 66:1) Iena aena atoa gabuna dekenai idia noho taudia iboudiai be inai hahemauri sivaraina idia kamonai henia be maoro.

¹⁶ Hari inai nega lalonai inai sivarai namona be moale gauna, badina Mesia ena imana dekenai gavamani ta idia haginia vadaeni. Iesu ia diba Diabolo ena orea ese Mesia ena hahediba taudia do ia dagedage henidia bada, to danu ia diba Dirava ena lauma helaga ese do ia hagoadadia idia haheauka noho, “Basileia ena Sivarai Namona” be ia vara vadaeni, bona “tanobada ibounai dekenai do idia harorolaia” totona.​—Mataio 24:14.

Iesu Keriso bona Iehova Dainai Idia Hemarai Lasi

¹⁷ Atai Herea Diravana be sibona ia henia ladana, Iehova, dainai ia hemarai lasi; idia abidadama henia tomadiho korikori taudia be unai ladana dainai idia hemarai lasi be namo. Dirava idia tomadiho henia korikori taudia idia moale unai ladana idia abia dainai bona Ia idia tomadiho henia bona idia badinaia taudia taunimanima ese idia gwauraidia dainai. Sibona ia gwauraia neganai, Iesu ese inai taravatu eiava hereva maorona ia gwauraia Mareko 8:38 dekenai: “Bema tau ta lau dainai ia hemarai, o lauegu hereva dainai ia hemarai, inai Dirava ura lasi bona kara dika taunimanima vairanai, Taunimanima ena Natuna danu unai tau dekenai do ia hemarai, iena giroa mai neganai, Tamana ena siahu mai aneru helagadia danu.” Unai hereva hegeregerena, bema tau ta be Lohiabada Iesu Keriso ena Tamana, Dirava, totona do ia hemarai, Iehova ese unai tau totona do ia hemarai be maoro. Ena abidadama lasi karana dainai Iehova totona ia hemarai tauna ta be Dirava ia lohiaia guba eiava tanobada dekenai mauri do ia abia lasi be maoro.​—Luka 9:26.

18. (a) Dahaka dainai Iesu ena hereva Mataio 10:​32, 33 dekenai be iseda kudouna bona lalona dekenai ia diho momokani be gau badana? (b) Taunimanima garina idia gari dainai Iesu bona Iehova idia dadaraia taudia dekenai dahaka do ia vara? (Henuna hereva amo haheitalai haida oi gwauraia.)

¹⁸ Namona be Iesu Keriso ena hereva be iseda kudouna bona lalona dekenai do idia diho momokani, ia gwau: “Taunimanima edia vairana dekenai lau do ia gwauraia hedinarai tauna be lau ese egu Tamana, guba dekenai ia noho, ena vairana dekenai, ia do lau gwauraia hedinarai. To taunimanima edia vairana dekenai lau do ia gwauraia hedinarai lasi tauna be lauegu Tamana, guba dekenai ia noho, ena vairana dekenai, ia do lau gwauraia hedinarai lasi.” (Mataio 10:​32, 33; Luka 12:​8, 9) Unai hereva hegeregerena, bema tau ta ese Lohiabada Iesu Keriso ena Dirava bona ena Tamana ia dadaraia, Dirava ese unai tau do ia dadaraia danu. Unai tau be ia hegeregere lasi Dirava ena ruma bese lalonai ia vareai totona. Unai ruma bese lalonai Iesu Keriso be ena Natuna badana. Unai anina be unai tau be Dirava ena nega hegeregerena dekenai do ia mase.b

¹⁹ Iesu ese ena hahediba taudia ia hadibaia guriguri ena hereva do ia guguru, ia gwau: “Aiemai Tamana e, guba dekenai oi noho, oiemu ladana do ai hahelagaia. Oiemu Basileia do ia mai, oiemu ura gauna tanobada dekenai do ai karaia, guba dekenai idia karaia bamona.” (Mataio 6:​9, 10) Unai bamona do ia vara neganai, Iesu ena lalokau hahediba taudia edia kara dainai do idia hemarai lasi. Hari inai nega lalonai, idia mauri taudia, do idia mauri hanaihanai diba taudia milion momo unai, be Iehova ena ladana idia hanamoa bona idia hahelagaia; idia mo sibodia lasi, to Iesu ena lagani 1,000 Basileia lohia negana lalonai mase taudia milion momo be gara gabudia amo do ia boiridia mai, bona idia danu ese Iehova ena ladana do idia hahelagaia. Idia be mai edia dala tanobada paradaisona dekenai do idia mauri ela bona hanaihanai.

19, 20. (a) Iehova ese ena ladana do ia hahelagaia idia gurigurilaia taudia be dahaka dainai do idia hemarai lasi? (b) Gari lasi Basileia harorolaia taudia ese dahaka gaukara idia karaia, bona dahaka heduru idia abia?

²⁰ Ena be tanobada ibounai dekenai dagedage bada idia davaria, to Witness taudia be idia hemarai lasi, bona idia gari lasi bona tanobada ibounai dekenai Basileia ena sivarai namona idia harorolaia. Unai bamona idia karaia diba badina siahu badana ta ese ia durudia​—guba anerudia ese idia durudia. Unai dainai, Iehova ena Witness taudia be “Dirava do [idia] gari henia, ia do [idia] hanamoa bada.”​—Apokalupo 14:6, 7.

Dirava Gari Henia bona Hanamoa Totona Idia Hemarai Lasi

²¹ Iehova ena Witness taudia idia hahedinaraia goevagoeva idia be Dirava garina idia gari bona idia hanamoa totona idia hemarai lasi, danu idia ese iena ladana korikori, Iehova, idia gwauraia hedinarai. Unai bamona idia karaia dainai hahenamo momo idia davaria. Unai hahenamo idia davaria badina Atai Herea Diravana ena gwauhamata idia guguru dainai. Unai ese ia hahedinaraia ia sibona be mauri Diravana momokanina, ia be guba bona tanobada edia Dirava Badana!

22. Dahaka dainai Iehova ena Witness taudia ese dagedage bada do idia davaria, to do idia moalelaia gauna ta be dahaka?

²² Dina vairai dekenai, tanobada gavamani be tomadiho orea dekenai do idia dagedage henidia bona do idia haoredia​—Kerisendom ena tomadiho orea danu do idia haorea. (Apokalupo 17:​16, 17) Unai neganai, tanobada ena politikol orea ese Iehova ena Witness taudia do idia dagedage henia bada. Bema noho hanaihanai Diravana be idia dekenai ia noho lasi, unai dagedage karana do idia haheaukalaia diba lasi bona hahemauri do idia abia diba lasi. To ia be idia dekenai ia noho, unai dainai Witness taudia idia tomadiho henia goadagoada Diravana be Keristen lasi taudia iboudiai, Iehova idia inai henia taudia iboudiai, do ia haoredia vaitani neganai, do idia moale bada. Edia kara dainai do idia hemarai lasi. To Dirava tomadiho henia dala korikorina idia badinaia lasi taudia do idia hemarai edia kara dika do ia hahedinaraia neganai, bona do ia hamasedia, to Witness taudia do idia moale bada herea, ane amo Iehova dekenai do idia gwau: “Gunaguna amo ela bona hanaihanai oi sibona be Dirava.”​—Salamo 90:2.

23. Dahaka dainai Iehova ena Witness taudia be edia gaukara dainai idia hemarai lasi, bona edia kara dainai dahaka do ia vara?

²³ Dirava do idia moalelaia, Iesu Keriso ena Tamana unai, Iesu ia henia boubou karana dainai, taunimanima be mai edia dala tanobada paradaisona dekenai mauri hanaihanai mai moale bada bona tauanina goevadaena do idia abia diba. Keriso Iesu dekena amo Iehova Dirava ese ia hahedinaraia vadaeni ia be siahu bada Diravana! Iehova ese ia hahedinaraia goevagoeva ia be aonega bona lalokau dalana amo ena siahu ia gaukaralaia, ena siahu ia gaukaralaia kerere lasi! Vadaeni, iena kara bona ena vara guna Natuna, Iesu Keriso ena kara dainai ita hemarai diba lasi. Sivarai namona ita harorolaia totona ita hemarai lasi, unai sivarai ese Keriso Iesu dekena amo Iehova ena kwalimu siahuna ia hahedinaraia, Iesu ena tanobada maurina be kahirakahira ia ore neganai, ia gwau: “Do umui goada noho, badina be lau ese tanobada lau halusia vadaeni.” (Ioane 16:33) Unai dala ita abia hidi neganai, namona be hanaihanai aposetolo Paulo ena kara ita tohotohoa, ia be sivarai namona dainai ia hemarai lasi. Bema ita hemarailaia lasi, Atai Herea Diravana be ita dekenai do ia hemarai lasi danu.

[Footnotes]

Inai Henanadai Oi Haerelaia

◻ Aposetolo Paulo bamona, namona be iseda lalohadai be dahaka sivarai namona harorolaia gaukarana dekenai, bona dahaka dainai?

◻ Dahaka dainai Iehova ena Witness taudia idia harorolaia sivaraina be sivarai namo herea?

◻ Iesu ia gwau ena Basileia ena hairai dekenai ia mai neganai, bema tau ta be ia dainai do ia hemarai, dahaka do ia vara ia dekenai?

◻ Iesu bona Iehova idia dadaraia taudia dekenai dahaka do ia vara?

◻ Hemarai lasi dekenai sivarai namona idia harorolaia taudia ese dahaka idia karaia diba, bona dahaka dainai?

11. Ena be Iehova ena Witness ladana ita abia, to dahaka dainai ita be Iesu Keriso murinai ita do raka noho?

17. (a) Tomadiho korikori taudia ese dahaka idia hemarailaia lasi? (b) Mareko 8:​38 dekenai, Iesu be dahaka ia gwau, bona unai hereva ena anina be dahaka?

21. Iehova ena Witness taudia idia hemarai lasi dahaka idia karaia totona, bona dahaka idia davaria?