Aramagedono—Edena Negai?

“ARAMAGEDONO kahirakahira dekenai ita gini bona Lohiabada ena tuari ita karaia.” Unai hereva amo, United States presiden gunana ta, Theodore Roosevelt ia gwau ia dekenai ia noho politikol tuarina be “Aramagedono” bamona. Unai dainai, Aramagedono be politikol tuarina ta, a?

Lagani haida gunanai, Canada ena magasin ta, Business Life, be sivarai ta, ladana “Aramagedono Moni Gaukaralaia Gabunai.” Unai sivarai ena hereva kwarana ta be inai: “Bema Kohu Bada Lasi Besedia ese edia abitore idia henia lou lasi, iseda moni gaukaralaia dalana do ia dika, eiava?” To ia namo ita laloa Aramagedono be moni gaukaralaia dalana ia dika karana ta, a?

Newsweek magasin ena hereva ta ia gwau 1984 lalonai, presiden ta totona idia vote gwauraia neganai, tanobada ena dokona be hereva badana ta. Unai neganai, United States ena presiden, Ronald Reagan “idia nanadaia bema ia laloa tanobada dekenai ‘niuklia Aramagedono’ do ia vara. Reagan ia gwau ia diba taunimanima haida be ‘mai diba bada idia herevahereva’ idia laloa hari idia noho gaudia bona dina gabedia totona Bible ese ia perovetalaia gaudia be tamona, to tuari orea ena biaguna ia gwau guna ia hereva lasi ‘Aramagedono totona ita hegaegae be namo.’ ” To, Aramagedono ena anina ita tahua neganai, ia namo ita laloa unai be tuari karana ese ia havaraia niuklia tuari dikana ta, a?

Tomadiho taudia momo idia gwau Aramagedono be tuari ta. To, lagani 1800 murinai, Bible ia stadilaia tauna ta, Adam Clarke ia toretore, ia gwau: “Taunimanima edia hereva unai gau dekenai ia kavakava! Sibodia idia gwauraia peroveta taudia bona gabeai negana idia gwauraia taudia, mata-kepulu taudia unai, idia gwau, hanaia lagani 20 lalonai, Aramagedono be gabu idauidau ai idia tuarilaia vadaeni! Nega ta idia gwau ia be Austerlitz dekenai, ma nega ta be Moscow, ma nega ta be Leipsic, bona hari idia gwau ia vara Waterloo dekenai! Bona unai bamona idia hereva noho, bona do idia hereva noho, haida be daradara dekenai idia veria bona idia danu idia daradara noho.”

Aramagedono ena anina ita tahua neganai, henanadai badadia haida idia vara. Aramagedono be dahaka? Bema ia be tuari ta, daidia ese do idia karaia? Badina be dahaka do idia tuarilaia? Edeseniai do idia tuari? Bona Aramagedono be edena negai do ia vara?

Aramagedono be Dahaka?

Unai hereva “Aramagedono” be Bible ena hereva ta, Apokalupo bukana dekenai, bona ena hereva momo be laulau herevadia. Unuseniai, aposetolo Ioane ia torea: “Lauma dikadia toi, edia toana lau itaia be [paroparo] bamona. Idia ese huala badana ena uduna dekena amo, bona dagedage gauna ena uduna dekena amo, bona peroveta koikoi tauna ena uduna dekena amo idia mai noho. Idia be lauma dikadia momokani, mai edia siahu hoa kara do idia karaia. Idia be tanobada edia king ibounai dekenai idia lao. Vadaeni unai king ibounai do idia haboua, Siahu Ibounai Diravana ena Dina Badana neganai do idia tuari hebou totona. . . . Idia haboua gabu ta dekenai. Inai gabu ena ladana Heberu gado dekenai be Aramagedono.”​—Apokalupo 16:​13-16.

Aramagedono, eiava Har–Magedon, be Greek hereva ta, bona unai hereva be Heberu hereva bamona, Har Meghid·dohnʹ bona ena anina be “Megido ena Ororo,” eiava “Tuari Orea Idia Hebou Gabuna ena Ororo.” Nega momo idia gwauraia neganai “Siahu Ibounai Diravana ena Dina Badana neganai do idia tuari” karana idia herevalaia. Unai dainai, Aramagedono be politikol tuari ta lasi, ia be moni gaukaralaia dalana ia dika karana ta lasi, ia be niuklia tuari dikana ta lasi, eiava taunimanima edia tuari ta lasi. To, Aramagedono be Dirava ena tuari.

Daidia Do Idia Tuari?

Paroparo bamona hereva mirodia be huala (Satana Diabolo) bona, dagedage gauna (iena tanobada politikol oreana), bona peroveta koikoi tauna England bona America edia uduna amo idia mai. Demoni, eiava aneru dikadia ese idia halasia herevadia be tanobada pavapava eiava lohia taudia idia haboudia Har–Magedon dekenai.

Aramagedono ena tuari dekenai, Iehova ena kahana dekenai be ita itaia diba lasi Pavapava Iesu Keriso ese do ia hakaua lauma tuari oreana ia noho. Aposetolo Ioane ia torea: “Guba lau itaia ia kehoa, bona hosi kurokurona ta ia hedinarai. Ia latanai ia guia tauna ena ladana be ‘Abidadama’ bona ‘Momokani.’ Ia ese taunimanima ia kota henidia, o bema tuari ia karaia neganai, ia be mai kara maoromaoro danu ia karaia noho. . . . Guba ena tuari oreadia be ia murinai idia lao. . . . ena uduna dekena amo be tuari kaia ta mai matana ia duduia maoromaoro. Inai tuari kaia dekena amo ia ese tanobada bese ibounai tuari dekenai do ia halusia. Ia ese idia do ia biagua auka herea, mai ena auri itotohina. Ia ese vain huahua moia gabunai uaina ena ranu do ia gigia murimuri dekenai. Inai moia gabuna be Siahu Ibounai Dirava ena badu siahu dikadika. Unai gunalaia tauna ena dabua bona iena mamuna dekenai be iena ladana ia torea. Inai ladana be inai bamona: ‘King ibounai edia King, bona lohia ibounai edia Lohia.’ ” (Apokalupo 19:​11-16) Kaia latana ese Keriso ena siahu ia laulaulaia, ia be mai ena maoro Dirava ena Basileia idia abia dae lasi taudia ia hadikadia ore totona. (Apokalupo 1:16; 2:16) Ita itaia diba lasi tuari orea badadia momo idia noho Aramagedono ena tuari do idia karaia totona.

Idia tuari henia taudia be Satana, ena demoni oreana, bona tanobada ena pavapava taudia iboudiai. To namo lasi ita itaia diba tanobada lohia taudia sibona ita laloa, badina idia ese idia lohiaia taudia danu be unai tuari lalonai do idia vareai. Gunaguna peroveta hereva ia gwau: “Iehova ese basileia idauidau iboudiai ia badu henidia, ena badu be edia tuari taudia iboudiai latadiai do ia hahedinaraia.”​—Isaia 34:2.

Badina be Dahaka Do Idia Tuarilaia?

Aramagedono ena tuari do ia vara badina Dirava be kara maoromaoro tauna bona ia ese kara dika do ia koua. (Salamo 11:7) Unai dainai, namona be Satana Diabolo ena orea, demoni bona gwau-edeede taudia danu, lagani tausen momo lalonai kara dika bona hekwarahi idia havaraia taudia unai, do ia hadikadia ore. (Genese 3:15 danu hahegeregerea.) Aramagedono dekenai, Iehova ena maoro, gau iboudiai ia lohiaia totona, do ia hamomokania, bona unai tuari amo, lagani tausen lalonai iena ladana idia hadikaia herevadia iboudiai, do idia ore. Iena peroveta tauna, Esekiel amo, Dirava ia hereva: “Lauegu ladana helagana do idia hamiroa lou lasi, bena bese idauidau be do idia diba, lau be Iehova.”​—Esekiel 39:7.

Dirava ena Aramagedono tuarina ese taunimanima iboudiai hadikaia ore karana do ia koua. Iehova ese tanobada ia havaraia taunimanima ese idia noholaia totona. Ia karaia lasi taunimanima be niuklia siahu tuarina amo do idia hadikaia ore totona eiava idia hadikaia bona gau ta be ia dekenai do ia mauri diba lasi totona. (Isaia 45:18) Ia ese “tanobada idia hadikaia vadaeni taudia do [ia] alaia ore.” (Apokalupo 11:18) To salamo ia torea tauna ia gwau: “Iehova be pavapava ai ia lao. Tanobada [Heberu gado ai, te·velʹ; tanobada, anina ia havaraia bona mauri gaudia ese idia noholaia diba gabuna] ia haginia; do ia marere lasi ela bona hanaihanai.”​—Salamo 96:10.

Aramagedono dekenai, Dirava ese do ia karaia karadia be iena kara badadia hegeregerena, hahemaoro maoromaoro, aonega, siahu, bona lalokau. (Deuteronomi 32:4; Iobu 12:13; Isaia 40:26; 1 Ioane 4:8) Ia ese “Dirava idia badinaia lasi taudia” dekenai dika do ia karaia, to kara maoromaoro taudia do ia hadikaia lasi. (Iuda 14, 15) ‘Dare amo do idia mase taudia be kara dika taudia’ sibona. (Ieremia 25:31) Unai ese Paradaiso havaraia lou ena dala do ia kehoa, unai ese Dirava ena ura tanobada dekenai bona taunimanima dekenai do ia hagugurua.​—Luka 23:43.

Edeseniai Do Idia Tuari?

Unai hereva “Aramagedono” be Heberu hereva amo ia mai, ena anina be “Megido ena Ororo.” Unai dainai, haida idia laloa ororo ta ai, unai ladana ia abia ororona ta ai, do idia tuari. To, Megido ena ororo ta be gunaguna ia noho lasi. Kilomita 100 Ierusalem ena northwest kahana ai, ororo hanua eiava taoni ta ia noho, ena ladana be Megido. Hari inai negai, unai gabu dekenai ororo maragina ta sibona ia noho bona ena bada be mita 20 sibona.​—Iosua 17:11.

Unai idau negai hanuana amo “Megido taorana” idia itaia diba. (2 Sisiga 35:22) Aramagedono (eiava Har–Magedon) be unai gabu danu ita herevalaia be maoro badina unai gabu dekenai tuari badadia idia karaia. Hegeregere, unuseniai Dirava ese Hahemaoro Tauna Barak dekenai siahu ia henia Kanana pavapavana, Iabin bona iena tuari orea, Sisera henunai, ia hadikaia ore totona. (Hahemaoro Taudia 4:​12-24; 5:​19, 20) Unai gabu dekenai Gideon bona iena orea maragina ese Midian taudia idia luludia. (Hahemaoro Taudia 7:​1–8:35) Unuseniai danu, Pavapava Ahasia bona Iosia idia mase.​—2 Hanua Pavapavadia 9:27; 23:​29, 30.

Namona be ita laloa, danu, unai taorana, ladana ma ta be Esdraelon Kourana, ena lata be kilomita 32 sibona bona ena east kahana dekenai ena lababa be kilomita 29 sibona. Tanobada ibounai ena pavapava iboudiai bona edia tuari oreadia be unai gabu maragina dekenai idia gini diba lasi. Unai sibona lasi, unai ia daekau sisina tanona (Megido ena tano unai) bona koura be ororo lasi. Ia hedinarai goevagoeva, Aramagedono be Middle East kahana ena ororo gabuna dekenai sibona do ia vara lasi. Ena be, Aramagedono (eiava Har-Magedon) be tanobada ibounai dekenai do ia vara gauna, to gunaguna Megido bona unuseniai idia vara gaudia be mai ena anina unai hereva dekenai.

Aramagedono be Edena Negai Do Ia Vara?

Megido be Dirava ena idau negai bese taudia edia tano ai dainai, Aramagedono dekenai do ia vara gaudia be mai anina Iehova ena Witness taudia dekenai, “dokona negana” lalonai. (Daniel 12:4) Har–Magedon ena anina be tanobada ena politikol lohia taudia idia haboua “gabuna”, unai gabu amo Iehova bona iena Basileia, Iesu Keriso amo, do idia tuari henia. (Apokalupo 16:​14, 16) To, unai “gabu” (Greek, toʹpos) ena anina be tanobada ena gabu iboudiai. Aramagedono do ia vara tanobada ibounai dekenai Iehova ena Witness taudia dekenai kara ta do ia vara neganai.

Satana Diabolo ia badu dikadika badina Iehova ena Witness taudia be lauma dalana dekenai mai edia kohu bada dainai. Unai Keristen taudia edia toana be idia hegeregere lasi edia inai taudia do idia koua totona, bona nega kahirakahira, Satana ese do ia tuari henidia. Satana, eiava Gog, ena inai karana, tanobada ibounai dekenai, be Esekiel karoa 38 bona 39 ia herevalaia. Diabolo ena siahu henunai, tanobada besedia be do idia toreisi bona Iehova ena maino idia ura henia bese, tanobada besedia iboudiai amo, do idia inai henidia. Oibe, Satana ena inai karana do ia hedinarai tanobada ibounai dekenai, ia ena orea ese Iehova ena tanobada hesiai taudia, Dirava ena Basileia idia harorolaia taudia unai, do idia tuari henidia neganai.

Nega momo tuari idia tuarilaia gabuna ena ladana amo unai tuari ena ladana idia henia. Unai dainai, Dirava be mai goada danu iena taunimanima totona do ia tuari neganai do idia gwauraia Aramagedono tuarina. Iehova be do ia toreisi iena hesiai taudia be Gog ena inai karana amo ia hamauridia totona. Unai neganai, Aramagedono be do ia matamaia! Tanobada gavamanidia do idia moru. Medu bada ena abata, guba amo aisi nadi badadia, lahi bona salifa, bona gorere dikadia do idia vara​—unai be Dirava ena badu karadia​—bona tanobada taudia do idia gari momokani. To Iehova ena Witness taudia do idia gari bada lasi. Edia inai taudia be edia tuari kohu amo sibodia edia tuari orea taudia do idia hadikaia. Bona idia ese idia hamasedia lasi taudia be Iehova ese do ia hamasedia ore.​—Esekiel 38:​18-23; Daniel 2:44.

Gari bada dekenai, taunimanima be edia dekena taudia do idia hamasedia idia sibodia do idia hamauridia totona, to unai sibona lasi. (Sekaria 14:​12, 13) “Unai dina ai, Iehova ese do ia alaia mase taudia be tanobada ena dokona amo ela bona tanobada ena dokona. Ta be idia totona do ia taitai lasi, do idia haboudia lasi, ta ese do ia guridia lasi; idia be boromakau ena tage bamona ai do idia lao.” (Ieremia 25:33) Bema oi be Dirava ena tuari lalonai iena kahana dekenai oi gini lasi, vadaeni do oi mase! Bona hari magasin dekenai nega momo Bible amo idia hahedinaraia, hari ia noho uruna ia do ore lasi neganai Aramagedono do ia vara!​—Mataio 24:​21, 34.

Aramagedono ese Do Ia Havaraia Gauna

Aramagedono tuarina ese Satana ena orea taudia ibounai be tanobada amo do ia kokia. Ma danu, Diabolo bona ena demoni be guri dobuna dekenai do idia negea. (Apokalupo 20:​1-3) Iehova ena taunimanima, Aramagedono amo do idia roho mauri taudia unai, be unai neganai hahenamo momo do idia abia! Mai moale danu tanobada ibounai do idia hamatamataia lou bona paradaiso gabuna ai do idia halaoa. Unai neganai, tanobada hamiroa gauna, hisihisi, taitai bona mase be lasi. (Apokalupo 11:​15, 18; 21:​3, 4) Bema salamo ia torea tauna ena hereva oi kamonai oi danu unuseniai do oi noho diba: “Iehova oi naria, bona iena dala dekenai oi raka, bena ia ese oi do ia abia dae, tanobada oi abia totona. Kara dika taudia ia hamasedia ore neganai, do oi itaia.” (Salamo 37:34) Momokani, reana Siahu Ibounai Diravana ena tuari dinana do oi itaia bona Aramagedono ia mai neganai oi be mai moale danu do oi roho mauri diba!

“Vadaeni, bema inai gau ibounai unai bamona do idia ore, umui be edena bamona do umui noho? Umui emui kara ibounai do idia helaga be namo, bona Dirava do umui badinaia namonamo. Ma Dirava ena Dina do umui naria noho, . . . bona siahu badana ese gubai noho hisiu, hua bona dina do ia gabua ore.”​—2 Petero 3:​11, 12.

[Blurb on page 4]

Aramagedono be politikol tuari ta lasi, ia be moni gaukaralaia dalana ia dika karana ta lasi, ia be niuklia tuarina ta lasi, eiava taunimanima edia tuari ta lasi. Aramagedono be Dirava ena tuari

[Blurb on page 5]

Dirava ena Aramagedono tuarina ese taunimanima iboudiai hadikaia ore karana do ia koua

[Blurb on page 6]

Bema oi be Dirava ena tuari lalonai iena kahana dekenai oi gini lasi, vadaeni do oi mase!