Bible—Africa Gadodia Dekenai

Africa gado dekenai Bible bukadia iboudiai idia hahanaia nega ginigunana be Egypt dekenai. Idia gwauraidia Coptic bukadia, bona idia torea negana be lagani 200 eiava 300 C.E. murinai. Lagani sinahu toi murinai, Bible be Etiopia gado dekenai idia hahanaia.

Etiopia bona Sahara amo diho kahanai idia torea lasi gadodia dekenai idia hahanaia lasi ela bona misinari taudia be lagani 1800 C.E. ai idia mai murinai. Lagani 1857 ai, Robert Moffat be Tswana, Africa ena diho kahanai gadona ta, dekenai Bible ia hahanaia neganai, gaukara badana ta idia karaia. Bona imana amo ia hagiroa printa masini dekenai kahana ta ta ibounai ia printaia. Unai be nega ginigunana Bible bukana ibounai be Africa dekenai idia printaia, bona unai be nega ginigunana guna idia torea lasi Africa gado dekenai ibounai idia hahanaia. Moffat be ia hahanaia Bible lalonai Dirava ena ladana Yehova ia torea. British and Foreign Bible Society be idia printaia 1872 gauna lalonai, unai ladana Yehova idia gaukaralaia Iesu ena hereva badadia Mataio 4:10 bona Mareko 12:​29, 30 dekenai.

Lagani 1990 ia mai neganai, Bible bukadia iboudiai be Africa gado 119 dekenai idia hahanaia vadaeni, bona ena kahana haida be ma gado 434 dekenai idia hahanaia.