Oi Laloatao, A?

Gima Kohorona matamatadia oi duahia neganai oi moalelaidia, a? Henunai idia noho henanadai mani oi haerelaidia:

• Bema bogana lalonai beibi ta ia mase, do ia toreisi lou diba, a?

Ta ena mauri be sinana ena bogana lalonai ia matamaia. Iehova ese mase taudia ibounai do ia hatorea isi lou, herevana edia mauri lagani be hida, badina “Dirava ese gau ibounai ia karaia diba.” (Mar. 10:27) To Baibel be maoromaoro ia gwau lasi sinana ena bogana lalonai ia mase beibi be do idia toreisi lou.​​—⁠4/15, rau 12, 13.

• Dahaka dainai dimairi, mada, kwadi, bona vaboha amo diba ita abia be namo?

Unai animal foa ese aonega bada idia hahedinaraia. Unai dainai, idia be Dirava ena aonega bada idia hahedinaraia. (Aon. 30:​24-​28)​​—⁠4/15, rau 16-​19.

• Lagani 1909 ai Iehova ena Witnes taudia dekenai dahaka mai anina bada gauna ta ia vara?

Lagani 1909 ai, Iehova ena Witnes taudia edia koporeisen ladana Watch Tower Bible and Tract Society ena hedikwota, be Pittsburgh, Pennsylvania amo idia kokia bona Brooklyn, New York dekenai idia haginia, bona hari idia do gaukaralaia noho.​​—⁠July-September, rau 22-​4.

• Dahaka dainai Baibel ese ia hahedinaraia herevahereva lasi karana be mai ena namo?

Badina ia hahedinaraia herevahereva lasi karana be hemataurai ena toana ta, ita laloa dobu diba, bona unai kara ese aonega bona laloa kehoa ia hahedinaraia. (Sal. 37:7; 63:6; Aon. 11:12)​​—⁠5/15, rau 3-5.

• Iuda ena king hida ese Dirava ena ruma idia ura henia bada?

Saut kahana Basileiana Iuda idia lohiaia king ibounai be 19, to foa sibona​​—⁠Asa, Iehosapata, Hesekaia, bona Iosaia​—⁠be Dirava ena ruma idia ura henia bada.​​—⁠6/15, rau 7-​11.

• Horoa Keristani taudia ibounai ese lauma aniani idia hegaegaelaia, a?

Lasi. Dirava ese ena lauma amo ia horoa taudia ibounai be hesiai tauna mai ena kamonai bona kara maoromaoro oreana taudia, to Hakaua Oreana taudia be lauma aniani halasia gaukarana idia gunalaia.​​—⁠6/15, rau 22-​4.

• Dahaka dainai ita gwau diba Iesu ese taunimanima ia lalokau henia, to Dubu gunalaia taudia be unai bamona idia karaia lasi?

Dubu gunalaia taudia be hanua taudia idia lalokau henia lasi to idia hahisidia. Ma danu, idia be Dirava idia lalokau henia lasi. Iesu be ena Tamana ia lalokau henia bona taunimanima ia hebogahisi henidia. (Mat. 9:​36) Ia ese idia ia kara namo henia bona edia hemami ia laloa bada.​​—⁠7/15, rau 15.