Hakaua Oreana Ena Memba Matamatana

Wednesday daba, September 5, 2012 ai, United States bona Canada edia Betele famili taudia idia hadibaia, September 1, 2012 ai, Tadikaka Mark Sanderson be Iehova ena Witnes taudia edia Hakaua Oreana ena memba matamatana ai ia lao.

Tadikaka Sanderson ena tama sina be Keristani taudia, bona ia be San Diego, California, U.S.A. ai ia vara bona February 9, 1975 ai bapatiso ia abia. September 1, 1983 ai, Saskatchewan, Canada ai, painia gaukara ia hamatamaia. December 1990 ai, United States dekenai, Hesiai Gaukara Hadibaia Sikulina (hari, Singul Tadikaka Edia Baibel Sikuli) ena klas namba seven amo ia gradueit. April 1991 ai, tadikaka Sanderson idia abia hidi Newfoundland motumotu, Canada ai, spesel painia gaukara ia karaia totona. Sekit naria tauna durua gaukarana ia haorea bena February 1997 ai, Canada Betele ai ia lao. November 2000 ai, ia be United States brens dekenai ia hanaia lao bena Hospital Information Services dipatmen bona gabeai Haroro Naria Dipatmen dekenai ia gaukara.

September 2008 ai, Tadikaka Sanderson be Brens Komiti Taudia Edia Sikuli ia lao bona gabeai Philippines Brens Komiti ena memba ta ai ia lao. September 2010 ai, United States dekenai ia giroa lou bena Hakaua Oreana ena Hesiai Komiti ida ia gaukara hebou matamaia.