“Unai Bamona Taudia Laloa Bada”

LAGANI 1992 amo, Hakaua Oreana ese lo Keristani elda taudia haida idia abia hidi edia komiti ta ta lalonai gaukara idia durua totona.a Idia be lagani momo lalonai elda gaukara idia karaia. Unai heduru taudia be “mamoe ma haida” taudia, bona Hakaua Oreana idia durua. (Ioa. 10:16) Wiki ta ta ai, unai heduru taudia be edia komiti ena hebou lalonai idia vareai, bona idia diba gaudia bona edia lalohadai idia gwauraia danu. Hakaua Oreana ese abia hidi ia karaia, bena komiti ese durua tadikaka dekenai gaukara idia henia bona unai gaukara idia karaia. Spesel hebouhebou bona Intanesinol hebouhebou negadiai idia ese Hakaua Oreana taudia idia bamoa. Danu idia be hedikwota ese ia siaia danu brens idauidau idia vadivadi totona.

Hakaua Oreana ia durua tadikaka ta ia gwau: “Lau dekenai idia henia gaukara lau karaia neganai, Hakaua Oreana be Baibel amo taunimanima do idia durua daladia do idia hegaegaelaia diba.” Lagani rua lalonai Hakaua Oreana dekenai heduru ia henia tadikaka ta ia gwau: “Egu mauri lalonai, unai be egu hahenamo badana ta.”

Hakaua Oreana ese durua tadikakadia dekenai gaukara momo ia henia, bona edia kamonai bona gaukara goadagoada karana ia laloa bada. Namona be ita ibounai ese ‘unai bamona taudia ita laloa bada.’​—Fili. 2:29.