Taunimanima Oi Henanadai Henidia Bible Stadi Idia Abia Totona, A?
1 Tadikaka bona taihu momo ese Bible stadi idia hamatamaia badina idia ese Bible stadi abia totona taunimanima idia henanadai henidia. Tau ta be nega momo hua ena henia gauna ia ura lasi abia, to Bible stadi abia totona idia henanadai henia neganai ia ura. Ia gwau: “Nega daudau lau ura Bible lau stadilaia.” Ia dekenai Bible stadi idia hamatamaia bona iena ruma bese taudia iboudiai be lauma dalanai idia goada haraga.
2 Namona be ita ibounai ita gima noho Bible stadi ita hamatamaia toho totona. Taunimanima be Keriso ena hahediba taudia ai idia lao totona, hadibaia hereva idia kamonai be gau badana. (Mat. 28:19, 20) Hadibaia hereva idia kamonai totona, Bible stadi idia abia be gau badana. Stadi oi hamatamaia diba dalana ta be, ruma tauna oi hamaoroa bema ia ura iena diba Bible bona Dirava ena gwauhamata herevadia dekenai ia habadaia, stadi dalana oi hahedinarai henia diba. Unai dala amo tadikaka ta ese Mauri mai Mainona Tanobada Matamatana Lalonai pepapepana dekena amo Bible stadi ima ia hamatamaia diba. Ia be dala lasi unai stadi iboudiai ia naridia totona, unai dainai ma pablisa haida dekenai ia henidia idia naridia totona.
3 Bema ita dekenai Bible stadi hamatamaia karana be ia auka lasi, namona be pablisa haida danu ita gaukara hebou bona ita durudia stadi idia hamatamaia totona, eiava ita hamatamaia stadi haida be kongregesen taudia dekenai ita henidia diba. Bema oi ura Bible stadi ta oi hamatamaia, namona be ruma ta ruma ta gaukara dekenai Bible stadi abia totona taunimanima oi henanadai henidia, ani? Nega ta pablisa ese kekeni ta ia lou henia, bona toana be ia ura lasi bamona. To, Bible stadi abia totona ia henanadai henia neganai, ia ura. Hari, ia bapatiso vadaeni, bona iena tadina bona tadina adavana be hebou dekenai idia mai.—Gal. 6:6.
4 Ena be Bible stadi haida ita hamatamaia to reana murinai idia haida be stadi idia hadokoa. Ita stadi henia taudia haida be hereva momokani lalonai do idia vareai lasi, to idia haida do idia vareai. Bema Bible stadi momo ita hamatamaia, idia momo ita durudia diba Iehova hanamoa taudia ai do idia lao totona.
[Questions]
1. Bible stadi hamatamaia dalana be dahaka? Dahaka dainai ita diba unai be dala namona?
2. (a) Bible stadi gaukarana ita karaia ena hamomokania Bible siridia be dahaka? (b) Dahaka dainai Bible stadi ita karaia be gau badana?
3. Galatia 6:6 oi duahia. Bible stadi hamatamaia totona heduru herevana ta be dahaka?
4. Ena be ita hamatamaia stadi haida be murinai stadi idia hadokoa, to dahaka ese ita ia hagoadaia Bible stadi ita hamatamaia noho totona?
This article is repeated in km 9/97.