Henanadai

◼ Haroro naria tauna be dahaka ia karaia hesiai taudia be magasin bona buka dipatmen idia naria gaukarana ia durua totona?

Haroro naria tauna ena gaukara be hua ta ta iboudiai buka stadi grup tamona ia vadivadi henia bona haroro totona idia hebou negadia ia hegaegaelaidia, to unai sibona lasi. Unai goada elda tauna be kongregesen ena teritori dekenai haroro gaukara idia durua gaudia iboudiai ia laloa bada.

Hua ta ta iboudiai ia sekea namonamo hua ena henia gauna bona magasin edia momo idia hegeregere bona edia toana idia namo tadikaka bona taihu idia abidia totona. Unai dainai magasin bona buka dipatmen idia naria hesiai taudia edia gaukara do ia sekea.

Iseda Basileia Gaukara pepana lalonai hua ena henia gaudia idia torea hedinarai neganai, haroro naria tauna be unai gaudia ia laloa bada. Ia bona magasin eiava buka ia naria hesiai tauna do idia gaukara hebou unai henia gaudia edia namba idia hegeregere tadikaka bona taihu idia abidia totona, to idia naria namonamo momo herea do idia oda henia garina. Bema buka ta be nega ginigunana haroro gaukara dekenai do idia gaukaralaia, eiava kongregesen dekenai do idia stadilaia hamatamaia, unai idia laloa namonamo Society dekenai oda idia siaia gwauraia neganai. Bema guna unai buka idia hariharilaia, kongregesen ena haroro ripoti unai hua dekenai do idia sekea bena idia diba idia noho buka be idia hegeregere eiava lasi. Danu, guna unai gauna idia hariharilaia ena hua dekenai bona hari hua dekenai do idia hariharilaia pablisa, heduru pioneer taudia, bona regular pioneer taudia edia namba edia idau idia laloa. Namona be hebou vairanai bona murinai harihari gaudia idia abia diba. Bema buka be katon dekenai idia abia, namona be ia goeva bona ranu lasi gabuna dekenai idia atodia namonamo idia dika lasi totona.

Haroro naria tauna be magasin dipatmen ia naria tadikakana danu do ia gaukara hebou. Nega ta ta ai, haroro naria tauna bona magasin ia naria tadikakana be hua iboudiai tadikaka bona taihu idia abia magasin edia namba bona haroro dekenai idia henia magasin edia namba edia idau do idia sekea. Reana pablisa haida ese edia oda idia hamaragia be namo, namo lasi idia haboudia edia ruma dekenai. Magasin idia noho kava be namo lasi.

Unai dainai, haroro naria tauna be 1992-1993 Literature Order Form (S-AB-14) dekenai kongregesen idia oda henia magasin eiava buka be hida do ia sekea namonamo. Murinai unai fom do ia henia kongregesen seketere dekenai, bona ia ese unai fom torea dalana do ia sekea namonamo, bona Mai Edia Taravatu Gaudia (Dava Edia Lisi buklet rau 19) edia namba do ia sekea namonamo.

Momokani, buka bona magasin dipatmen naria namonamo totona pepa momo idia torea. Bema fom gaukaralaia bona rekod torea dalana idia daradaralaia, seketere tauna be mai moale danu ia ura idia ia durudia.