Henanadai
◼ Keristen tama bona sina edia natudia be edena negai haroro gaukara dekenai idia vareai bena gabeai idia be bapatiso lasi pablisa ai idia lao diba?
Keristen tama bona sina idia ura edia natudia be Iehova ena lo hesiai taudia namodia ai do idia lao. (1 Sam. 2:18, 26; Luka 2:40) Ena be natudia edia mauri lagani be maragi, to Keristen ruma bese lalonai namona be natudia ese edia abidadama Bible dekenai idia hahedinaraia be namo. Natu maragidia be idia maragi momokani lalonai edia tamana bona sinana be haroro gaukara dekenai idia bamodia neganai, unai amo lauma dalanai do idia goada momokani. To gau badana be idia moalelaia dainai, natu maragidia be sibodia edia kudou amo haroro gaukara do idia karaia, bona idia karaia badina idia ura bapatiso lasi pablisa taudia ai idia lao, bona haroro gaukara do idia karaia noho totona. Namona be ena tamana bona sinana ese idia hadibaia namonamo. (1 Tim. 4:6, 2 Tim. 2:15) Nega haida lo pablisa taudia haida ese heduru idia henia diba unai natudia dekenai bema edia tamana bona sinana edia gwaumaoro idia abia neganai.—Hesiai Gaukara buka, rau 100-101 itaia.
Idia kamonai natudia be ruma ta ruma ta gaukara dekenai edia Keristen tama bona sina idia bamodia neganai, haroro gaukara ena dala idia diba. To idia be bapatiso lasi pablisa taudia ai idia do lao lasi ela bona idia sibona diba sisina idia abia bona gaukara namonamo dalana idia diba guna. Keristen tama bona sina be edia natudia danu idia haroro hebou neganai, natuna be dahaka ia karaia diba idia abia hidi. Idia do gwauraidia lasi bapatiso lasi pablisa natudia be sibodia lou-henia gaukara idia karaia be namo lasi, eiava ma natudia haida danu haroro gaukara idia karaia hebou, unai be maoro lasi. Tama bona sina ese edia natudia idia hahegaegaelaidia diba haroro gaukara dekenai gaukara haida idia karaia totona, hegeregere, Bible siri haida idia duahia diba, eiava pepapepa bona magasin idia hariharilaia toho eiava ruma taudia dekenai buka eiava magasin ta ena laulau idia hahedinaraia diba. Natuna ia tubu daekau sisina neganai reana ena herevahereva haroro gaukara dekenai ia habadaia diba.
Natudia idia hadibaia namonamo neganai, idia ese haroro gaukara do idia laloa bada bona edia tama bona sina edia taravatu do idia badinaia, bona dala maorona ai do idia raka. Tama bona sina ese edia natudia, bapatiso lasi pablisa idia do gwauraidia lasi natudia unai, be haroro totona idia hebou ena grup dekenai idia rakatanidia be namo lasi. Idia laloa haida ese edia natudia do idia naria, be maoro lasi. Edia natudia idia laloa momo tama bona sina taudia be edia maduna idia diba dainai, edia natudia edia gaukara idia itaia tao. Momokani, kongregesen dekenai Iehova ena hesiai gaukara idia ura karaia natudia be lo pablisa taudia haida idia ura idia durudia.
This article is repeated in km 12/06.