‘Umui Dekenai Lau Henia Hereva Ibounai be Idia Umui Hadibaia’
1 Taunimanima be hahediba taudia ai halaodia totona ita hadibadia be gau badana. Tau ta be Keriso ena hahediba tauna ta ai do ia lao totona, ia dekenai Iesu ena hahegani ‘hereva ibounai do ita hadibaia’ guna. (Mat. 28:19, 20) Ena ruma dekenai Baibel stadi ita karaia be dala namo hereana unai ita karaia totona.
2 Nega haida Baibel stadi ita hamatamaia be ia auka sisina. Bema oi hekwarahi noho to Baibel stadi ta oi do hamatamaia lasi, oi lalohisihisi lasi. Baibel stadi ta hamatamaia totona gau badana be emu lalona oi hadaia momokani bona oi ura dikadika taunimanima dekenai hereva momokani oi harorolaia.—Gal. 6:9.
3 Kamonai Taudia Ita Durudia Noho Dalana: Taunimanima ta oi hereva henia hamatamaia neganai reana oiemu hereva ese ena lalona ia veria bada lasi. To, namona be pepapepa, buklet, eiava magasin ta do oi henia toho. Reana unai heduru gauna ta amo gabeai Baibel stadi ta ia dekenai do oi hamatamaia diba. Bema unai ruma tauna ese ia hahedinaraia ia ura ia kamonai noho, gabeai oi lou henia neganai, ena lalona oi veria diba buka namona ta amo stadi umui karaia noho totona.
4 Unai gaukara dekenai do oi kwalimu totona gau badana be oi hegaegae. Namona be pepapepa, buklet, eiava magasin dekenai ia noho Baibel sirina ta oi abia hidi guna, bena oi lou henia neganai oi kikilaia diba, ani? Unai dala amo oi kikilaia herevana bona oi henia gauna ena sivarai oi hakapua diba. Reana henia gauna amo paragraf tamona eiava rua edia hereva ia dekenai oi duahia diba.
5 Reana inai bamona oi hereva diba:
◼ “Peroveta herevana ta be hari ia guguru noho bona taunimanima dekenai unai sivarai ai kikilaia.” Mataio 24:3 oi duahia, bena Itaia! buklet, rau 24 ena laulau bona hereva oi kikilaia. Unai hegeregerena do oi karaia bema Inai Tanobada Do Ia Ore Eiava? pepapepana oi hariharilaia. (Pablisa ta be Mataio 24:3 ia herevalaia, bena murinai Itaia! buklet eiava pepapepa ta ia henia dalana do ia haheitalaia.)
6 Bema oi itaia ruma tauna be momokani ia ura kamonai, namona be kara haraga oi lou henia oi durua noho totona. Reana pura ta ia do ore lasi neganai oi lou henia, bena guna umui kikilaia herevana do ia laloaboio lasi. Oi lou henia loulou negadiai, namona be oi henia gauna dekena amo paragraf haida umui kikilaidia. Bena, nega namona ai, namona be ia dekenai Mauri Hanaihanai bukana oi hahedinaraia, bena vaia umui karaia hanaihanai bamona paragraf haida umui kikilaia oi lou henia loulou negadiai.
7 Hari inai negai, Iesu ia perovetalaia uiti utua bona gogoa gaukarana dekenai gaukara bada ia do noho. (Mat. 9:37, 38) Kudou-namo taudia ita hadibaia noho lalonai, ita goada noho badina Iesu ia gwau “lau be hanaihanai umui danu ita noho ela bona tanobada dokona.”—Mat. 28:19, 20.
[Questions]
1, 2. (a) Baibel stadi ta hamatamaia totona dahaka ita karaia? (b) Dahaka dainai Baibel stadi ita abia be namo?
3, 4. Baibel stadi hamatamaia gaukarana dekenai oi kwalimu totona, dahaka do oi karaia diba oi hegaegae totona?
6. Ta ia ura kamonai neganai, dahaka dainai ita lou henia haraga be gau badana?
7. (a) Hari inai negai, Mataio 9:37, 38 be edena bamona ia guguru noho? (b) Mataio 28:19, 20 be edena bamona ita ia hagoadaia?
This article is repeated in km 7/96.