Oi Karaia Diba, A?
1 Reana oi gwau, ‘Dahaka do lau karaia?’ Hereva Lada-isidia 3:27 ese unai henanadai ia haerelaia, ia gwau: “Ia maoro namo do idia abia taudia dekenai namo karana do oi koua lasi, bema mai emu dala neganai namo do oi henia.” Oi be “mai emu dala” heduru pioneer eiava regular pioneer gaukara amo emu haroro gaukara do oi habadaia totona, a? Unai bamona oi karaia diba, a?
2 Lagani 1993 Yearbook lalonai ia gwau, United States lalonai regular bona heduru pioneer taudia edia averes be 106,031, unai be pablisa 8 8 amo ta ta be pioneer gaukara idia karaia. Oibe, lagani gunanai United States dekenai taunimanima 5,093 be pioneer gaukara idia karaia. Papua New Guinea dekenai, lagani gunana lalonai special, regular, bona heduru pioneer gaukara idia karaia taudia edia averes be 374. Regular bona heduru pioneer taudia edia averes be 194. Unai be pablisa 14 14 amo ta ta be pioneer gaukara idia karaia. Vadaeni, ia hedinarai pablisa momo ese edia kara idia tahua bona nega idia atoa edia haroro gaukara idia habadaia totona.
3 Heduru pioneer gaukara be dala ta taunimanima dekenai namo ita havaraia diba totona. Lagani gunanai, April lalonai heduru pioneer taudia edia namba ia bada daekau 185 dekenai. Unai be namo momokani. Pablisa momo be dala idia tahua lagani lalonai nega haida heduru pioneer gaukara idia karaia totona.
4 “Mai emu dala” eiava lasi do oi diba totona, gau ginigunana be oiemu kudouna ena ura do oi tahua namonamo. (Mat. 22:37-39) Kara 20:35 ia gwau: “Henia kara ena moale be bada, abia kara ena moale be maragi.” Momokani gauna be inai, mai edia lalona ibounai danu lauma dalanai taunimanima idia durua neganai, idia be ura namo taudia. Pablisa eiava pioneer tauna namona ai do oi lao totona, unai ura namona do oi abia be gau badana.
5 Gau iharuana be inai, hari oiemu mauri dalana oi laloa namonamo. Kara haida oi haidaua diba nega ibounai hesiai gaukarana do oi karaia diba totona, a? Momo be unai idia karaia diba lasi. To lagani ta ta iboudiai guriguri amo sibodia edia kara idia tahua murinai, taunimanima tausen tausen be dala idia davaria pioneer gaukara ‘idia karaia’ totona. (Kol. 4:5; w77-E rau 701.) Inai bamona, ruma bese haida be hua ta ta idia abia hidi ruma bese taudia iboudiai eiava haida sibona heduru pioneer gaukara do idia karaia totona. Ruma bese ma haida be edia taunimanima ta idia ubua bona idia durua regular pioneer gaukara do ia karaia totona. Oiemu ruma bese be unai bamona kara ia lalohadailaia, a?—Hereva Lada-isidia 11:25 itaia danu.
6 Ena be ita be pablisa eiava pioneer, to hereva momokani idia diba totona ma haida ita durudia neganai, moale bada ita davaria. Ita diba ‘bema mai eda dala neganai’ taunimanima ita kara namo henidia, moale momokani ita abia.
[Questions]
1. Hereva Lada-isidia 3:27 ese ita ia hadibaia dahaka do ita karaia be namo?
2. Pablisa ese edia kara idia tahua namonamo dainai haroro gaukara dekenai dahaka idia karaia diba?
3. Pablisa momo be idia hegaegae dahaka do idia karaia totona?
4. Pablisa eiava pioneer namona ai do oi lao totona, dahaka ese ia hahedinaraia oi be ura namona oi abia?
5. (a) Heduru pioneer gaukara karaia totona, ruma bese haida be dahaka idia karaia? (b) Ruma besedia amo ta ta be edena bamona regular pioneer gaukara idia karaia diba?
6. Moale momokani be dahaka amo ita davaria diba?