Emu Hadibaia Dalana Oi Naria Namonamo
1 Haroro Sikuli ena sediual matamatana be January 1995 ai do ia matamaia. Sediual lalonai, gau matamatana be dahaka? Hereva namba 1 dekenai, Iehova ena tanobada oreana iseda nega lalonai do idia herevalaia. Lagani 1995 lalonai, Iehova Ena Witness Taudia—Dirava Ena Basileia Idia Harorolaia Taudia bukana ena rau ginigunadia 178 do idia herevalaia.
2 Unai buka be Hiri Motu bona New Guinea Pidgin dekenai do idia hahanaia bona Iseda Basileia Gaukara pepana danu do idia halasia. Hua ta ena hereva namba 1 lalodiai do idia gaukaralaia kahana idauidau be hua ta ta ai do idia henia. Harihari, Hiri Motu bona New Guinea Pidgin dekenai Society ese unai buka do idia printaia lasi, buka tamona bamona. Unai dainai tadikaka iboudiai ai hagoadaia hua ta ta ai pepapepa dekenai ai halasia kahana idauidau idia haboua bona atoa namonamo edia laiberi dekenai. Reana haida do idia ura Society ena magazine file case eiava binder ta lalonai do idia udaia. Namona be kongregesen ta ta edia laiberi dekenai unai bamona idia karaia danu. Vaira laganidia hani lalonai, unai idia karaia dainai, pablisa iboudiai be metairametaira unai buka ena kahana ibounai do idia haboua diba edia laiberi dekenai.
3 Hereva namba 1 be Harorolaia Taudia bukana amo idia karaia neganai riviu henanadai be lasi dainai, iena namo ibounai ita abia bona eda hadibaia dalana ita naria namonamo totona, dahaka ita karaia diba?—1 Tim. 4:16.
4 Ena be reana tadikaka momo be Proclaimers bukana idia duahia vadaeni, to sikuli ena sediual ai kahana idauidau idia laloa neganai iboudiai be idia abia vadaeni lauma gaudia do idia laloa bada. (Sal. 71:17, 18) Namona be pura ta ta ai nega sisina oi makaia bona sediual lalonai idia torea Harorolaia Taudia pepana ena kahana riviulaia.
5 Hereva Namba 1 amo Lalona Veria Bona Ha-Uraia: Hereva namba 1 be Harorolaia Taudia bukana amo idia abia neganai, namona be kamonai taudia idia ha-uradia. Unai buka ena hereva gaukaralaia dalana danu idia hahedinaraia namonamo; unai amo Iehova ena orea bona iseda hahenamo ita be Dirava ena hesiai taudia dainai do ita laloa bada. Namona be iboudiai ese Harorolaia Taudia bukana ena kahana idia mailaia hebou dekenai; unai amo hereva namba 1 idia kamonai henia namonamo diba. Bema haida be mai edia Proclaimers bukana English gado ai, reana do idia ura idia mailaia bona ena laulau bona foto ena namo do idia davaria. Hiri Motu bona New Guinea Pidgin gado ai idia karaia pepana lalonai, laulau be lasi.
6 Lalona Ia Hagaukaraia Baibel Duahiduahi: Duahia namonamo, mai gadona ena regena haidaua karana ida, be hadibaia karana namona ena kahana badana ta. Danu, Baibel duahiduahi be bada lasi dainai, nega sisina do ia noho hamatamaia bona hadokoa herevadia totona. Namona be hamatamaia herevadia dainai helai taudia idia ura idia kamonai bona idia kamonai gaudia gaukaralaia dalana idia tahua matamaia. Hadokoa hereva kahana lalonai, henia tauna be hereva ena anina ia kikilaia diba ela bona iena hereva ena nega ibounai ia haorea.
7 Hereva ma haida sikuli ena program bona hereva karaia dalana dekenai be “Lagani 1995 Ena Haroro Sikuli Ena Sediual” dekenai oi davaria diba. Iseda hereva henia bona hadibaia daladia ita naria totona, unai karaia daladia ita badinaia, iseda hereva ita hegaegaelaia namonamo, bona ita idia henia sisibana ita badinaia. Mai moale danu, sikuli lalonai idia do vareai lasi taudia ai hagoadaia unai bamona do idia karaia.