‘Daika be Ita Totona Do Ia Lao?’

Iehova ese unai henanadai ia henia neganai, Isaia be maoromaoro ia haere: “Lau be inai, do lau lao! Lau do oi siaia!” (Isa. 6:8) Hari iseda negai, anina utua gaukarana ia bada dainai, unai boiboi ia do lao noho. Ful-taim gaukara taudia​—regula painia taudia​—momo ita ura abia haraga! (Mat. 9:​37) Oi ura bada oi volantia, a? Bema oibe, lagani 1998 ena hesiai laganina hamatamaia negana, September 1, be nega namona emu ladana oi atoa, painia gaukara totona. Vadaeni, elda taudia edia amo aplikesen pepa ta oi noia diba.