Internet ai Ia Noho Sivarai Namona

Hari inai negai, nega momo taunimanima ese Internet amo sivarai idia abia. Unai dainai Hakaua Oreana ese Internet lalonai Iehova ena Witnes taudia idia abia dae herevadia bona edia gaukara ena sivarai maorodia haida idia atoa.

Iseda Internet Web site ena adres be http://www.watchtower.org bona ia lalonai English gado bona ma gado haida dekenai pepapepa, buklet, bona Watchtower bona Awake! magasin edia hereva idia noho. Mai moale ida umui ai hadibaia hari iseda Internet Web site lalonai Hiri Motu, Motu, bona New Guinea Pidgin gado ai Dahaka Ita Karaia? buklet be idia noho vadaeni buka bona magasin ida idia haboua. Inai Web site lalonai idia noho buka bona magasin be kongregesen dekenai idia noho vadaeni bona haroro gaukara lalonai idia gaukaralaia. Iseda Web site idia karaia ena badina be, buka bona magasin matamatadia idia halasia totona lasi, to taunimanima dekenai kompiuta dalanai sivarai ita hadibaia totona. Tau ta ese Iehova ena Witnes taudia, iseda gaukara, eiava ita abia dae gaudia totona Internet ena rau ta ia karaia be badina lasi. Iseda Web site ese iseda sivarai idia ura taudia dekenai sivarai maorodia ia hadibaia.

Ena be iseda Web site be E-mail siaia dalana be lasi, to tanobada hegegemadai ena brens opesi edia adres idia noho. Unai amo unai gabu ai idia noho Witnes taudia dekena amo taunimanima ese sivarai ma haida idia abia eiava heduru idia abia totona idia tore henia diba. Kompiuta amo idia ura Baibel idia diba matamaia taudia dekenai atai ia noho Internet adres oi hadibaia diba.