Taunimanima Durua Dalana Ta

Keristani taudia momokanidia be sivarai namona idia halasia noho. (Fili. 2:17) Unai idia karaia totona, gado 20 dekenai idia noho vadaeni buklet, pepapepa, bona magasin be Internet Web sait ladana www.watchtower.org dekenai idia noho vadaeni. Unai Web sait be Iehova ena Witnes taudia ese buka matamatadia idia abia totona idia karaia lasi. To ena badina be Iehova ena Witnes taudia ese Baibel amo idia hadibaia hereva maorodia be murimuri taudia ese idia duahia totona.

Vanegai sibona, iseda Web sait dekenai buka ma ta idia atoa. Ia be Dirava Ia Ura Dahaka Ita Karaia? buklet, gado 220 mai kahana ai idia halasia gauna. Danu, iseda Web sait ena adres be January 1 bona January 8, 2004, Gima Kohorona bona Awake! magasin, gado iboudiai gaudia, edia rau dokona kahanai ia noho.

Edena bamona unai tulu oi gaukaralaia diba? Reana kamonai tauna ta do oi davaria, to ia be gado ma ta sibona ia lalo-pararalaia. Bema ia be mai ena Internet, vadaeni Gima Kohorona bona Awake! magasin edia rau dokona kahanai ia noho adres oi hahedinaraia diba. Unai amo Internet dekenai Dahaka Ita Karaia? buklet be iena gado korikorina ai do ia stadilaia ela bona iena gado ai idia hahanaia bukana ta oi abia lao diba. Eiava iena gado idia diba kongregesen eiava grup taudia oi hadibaia, ia idia vadivadi henia totona.