Taunimanima 3,400!

Ai ura Papua New Guinea lalonai pablisa taudia 3,400 ese edia ripoti idia henia August 1998 lalonai. Unai bamona namba ita abia diba, a? Oibe, ita abia diba! Iseda tano ena kongregesen edia pablisa ena namba ita haboua neganai ita davaria pablisa 3,500 bamona idia noho. To, May 1995 ai, pablisa taudia 3,345 ese edia ripoti idia henia, guna hua ta lalonai unai bamona namba ai davaria lasi. Ita ese edena bamona unai namba ita hanaia diba? Unai ita karaia diba bema pablisa ta ta iboudiai kongregesen lalonai idia hegaegae August lalonai do idia haroro totona bona edia ripoti idia henia haraga hua ena dokonai. Namona be kongregesen ena seketere taudia idia diba ripoti idia haboua bona idia siaia haraga be namo. Hua ena dina ginigunadia rua be Saturday bona Sunday dainai, reana palani do oi karaia unai dina rua dekenai haroro gaukara do oi karaia totona? Bema hua ena dina ginigunana lalonai iseda gaukara ita hamatamaia, haroro gaukara do ita reaia lasi August hua lalonai. Ita ibounai ita gaukara hebou neganai, Papua New Guinea lalonai guna ita davaria lasi pablisa taudia edia namba do ita abia diba. Unai be hanamoa herevana namona ta Iehova dekenai!​—Sal. 47:1.