Henanadai Mauana

◼ Hekwakwanai idia vara diba dainai oi hegaegae vadaeni, a?

 Hari inai tanobada lalonai, “dika ia vara kava noho,” unai dainai nega momo medikol dalanai hekwakwanai idia vara, reana rara abia totona ita idia doria danu. (Had. 9:​11) Unai bamona hekwakwanai idia vara diba dainai do ita hegaegae totona, Iehova be dala idauidau dekenai ena orea amo heduru ia henia, to ia ura iseda kahana ita karaia. Henunai be lista ta ia noho oi ia durua totona.

• Nega ibounai Adavance Medical Directive/Release kadi, mai ena deit maorona, oi abia loaloa.

• Namona be oi hamomokania emu natudia ese Identity Card mai ena deit maorona, idia abia loaloa.

• September 1992 Iseda Basileia Gaukara lalonai idia udaia pepana ena hereva kwarana, “Rara Henia Hanai Karana amo Emui Natudia Umui Gimaia” riviulaia, bona emu natuna do idia kara henia dalana be doketa bona diadi taudia dekenai edena bamona oi hereva henia oi hegaegaelaia.

• Rara idia herevalaia gaudia itaia: Gima Kohorona, June 15, 2000, rau 29-31; October 1, 1994, rau 31; The Watchtower, June 1, 1990, rau 30-1; March 1, 1989, rau 30-1; Awake!, January 8, 2000, rau 7-11; December 8, 1994, rau 23-7; August 8, 1993, rau 22-5; November 22, 1991, rau 10; bona September 1992 Iseda Basileia Gaukara, bona February 1996 Iseda Basileia Gaukara lalodiai idia udaia gaudia. (Itaia: Bapatiso matamata taudia ibounai dekenai unai udaia pepadia idia henia be namo. Gabu namona ta dekenai oi atoa bena unai dala amo oi davaria haraga diba.)

• Emu lalona ena mamina hegeregerena emu lalona oi hadaia rara be tauanina murimurinai ia heau masini idia gaukaralaia karana eiava rara ena kahana maragimaragidia idia noho muramuradia oi abia dae diba.

• Bema oi karaia diba, hospital dekenai oi do lao lasi neganai, elda taudia oi hadibaia oi idia durua diba totona bona bema mai badina, Hospital Liason Committee (HLC) idia hadibaia diba totona. Bema hekwakwanai be natuna maragina dekenai ia vara, elda taudia oi hamaoroa HLC do idia hadibaia nega sisina bada ia do noho neganai.

 Rara Do Oi Abia Lasi be Oi Hahedinaraia Goevagoeva: Sivarai ese idia hahedinaraia tadikaka bona taihu haida idia naria ela bona nega kwadogina sibona lalonai doketa taudia idia hadibaia rara do idia abia lasi. Unai kara be kara namona lasi medikol taudia dekenai bona reana rara do idia henia. Bema doketa taudia ese oi abia dae momokani gaudia idia diba bona oi sainia pepadia ese emu ura idia hahedinaraia, idia ia durua edia gaukara idia karaia haraga totona bona nega momo idia dekenai ma dala haida ia henia rara lasi medikol heduruna idia henia totona.

 Medikol dalanai hekwakwanai idia vara diba, bona nega momo ita laloa idia vara diba lasi negadiai idia vara, unai dainai namona be hari dala oi karaia oi bona emu natudia oi naria, rara idia henia hanai lasi totona.​​—Aon. 16:20; 22:3.