KERISTANI TAUDIA EDIA MAURI DALANA
Medikol Heduru Totona Hegaegae
Dahaka dainai ita hegaegae? Badina ita laloa lasi negana ai, ita gorere eiava aksidan do ita davaria. Unai dainai hekwakwanai ia do vara lasi neganai, namona be oi hegaegae unai amo heduru maorona oi abia diba. Bema unai oi karaia, oi hahedinaraia mauri bona Iehova ena taravatu rara dekenai oi matauraia.—Ka 15:28, 29.
Edena bamona do oi hegaegae?
Oi guriguri bona mai laloa maoromaoro ida power of attorney (DPA) kadia oi hahonua. Idia bapatiso pablisa ese pablikeisen ia naria tadikaka amo DPA kadi idia abia bona edia natudia totona, Identity Card (ic) idia abia diba
Bema oi be rogorogo taihu ta, emu elda taudia oi noia Information for Expectant Mothers (S-401) ena kadi ta idia henia totona. Bema oi rogorogo bona oi mara lalonai hekwakwanai haida idia vara, unai infomeisen kadi ese oi ia durua diba abia hidi maorona oi karaia totona
Bema medikol heduru totona idia ura rara idia henia eiava hospital dekenai do oi noho sisina, namona be emu elda taudia oi hadibaia guna. Danu doketa taudia oi hadibaia Iehova ena Witnes tauna ta be oi do ia vadivadi henia
Edena dala ai elda taudia ese oi idia durua diba? Oi idia durua diba DPA kadi oi hahonua totona. To medikol heduru oi abia totona, elda taudia ese oi totona abia hidi do idia karaia lasi eiava emu abia hidi dekenai edia lalohadai do idia gwauraia lasi. (Ro 14:12; Ga 6:5) Emu elda taudia oi hadibaia emu gorere dainai reana rara do idia henia, bena kaharaga idia ese oi totona Hospital Liesen Komiti (HLC) do idia rini henia.
Edena dala ai HLC ese oi ia durua diba? HLC ai idia gaukara tadikaka be treinini idia abia doketa, nesi, polisi, majistret bona lawyer taudia idia durua totona, unai amo iseda tomadiho ena taravatu rara dekenai do idia lalopararalaia. Idia ese emu doketa do idia hereva henia unai amo rara do idia henia lasi, to dala ma ta ai heduru idia henia diba. Bema hegeregere, emu lalohadai ia badinaia doketa ta do idia tahua oi ia durua totona.
VIDIO LADANA MEDIKOL DALANAI RARA DEKENAI DISISEN NAMODIA KARAIA DALANA ITAIA, BENA INAI HENANADAI HAERELAIA:
Inai vidio ese edena dala ai oi do ia durua, oi hegaegae medikol heduru amo rara abia karana oi dadaraia totona?
a Mauri Moalelaia Hanaihanai! bukana ena leseni 39 ese oi do durua, rara abia karana dekenai abia hidi maorona oi karaia totona.