United by Divine Teaching—Tadikaka Momokani Karana mai Lalo-Tamona ida Oi Itaia
Sekit naria tauna ta be Baibel stadi ta lalonai ia vareai, unai stadi hahinena be kongregesen heboudia ia do lao henidia lasi. Ia boiria vidio ladana United by Divine Teaching ia itaia totona. Unai pura lalonai hebou ia lao henia bona ia moale bada. Dahaka dainai unai vidio be unai bamona anina ia havaraia haraga? Unai hahine be inai dagedage tanobadana lalonai iseda tadikaka edia lalo-tamona ia hoalaia.—Ioa. 13:35.
Inai vidio oi itaia lalonai, tanobada ibounai lalonai Iehova ena Witnes taudia ese idia moalelaia mainona bona lalokauna oi itaia bona oi mamia. Bena inai henanadai oi lalohadailaidia:
(1) Dahaka dainai “Dirava Ena Hahediba” be lagani 1993-94 hebouheboudia edia sinado maorona?—Mika 4:2.
(2) Ruma bese haida dekenai Baibel ena hereva momokanina be dahaka ia havaraia? Emu ruma bese dekenai dahaka ia havaraia?
(3) Dahaka dainai Iehova ese ita do ia hadibaia be gau badana?—Sal. 143:10.
(4) Intenesenel hebouhebou badadia idia hegaegaelaidia totona dahaka hekwakwanai idia hanaia?
(5) Oi lao henidia vadaeni Keristani hebouheboudia dekenai edena dala ai Salamo 133:1 bona Mataio 5:3 (NW ) edia anina oi itaia?
(6) Dahaka ese taunimanima vairanai ia hahedinaraia Dirava ena hahediba be mai ena siahu bada?—Apok. 7:9.
(7) Edena nega ai Keristani taudia momokanidia idia bapatiso ena namba be ma haida ia hanaia?
(8) Edena hereva Mika, Petero, bona Iesu amo be Iehova ena Witnes taudia dekenai ia guguru?
(9) Dahaka ese oi dekenai ia hamomokania taunimanima be famili ta bamona moale bona lalo-tamona ai do idia noho be nihi bamona gauna ta lasi?
(10) Daika dekenai vidio do oi hahedinaraia, bona dahaka dainai?
Taihu ta ia gwau: “Unai vidio ese lau ia durua, do lau laloa noho Keristani tadikaka bona taihu tanobada hegegemadai be harihari Iehova idia hesiai henia mai edia kamonai ida. . . . Iseda tadikaka ida ita lalo-tamona be mai anina bada!”—Efe. 4:3.