Sekit Hebouhebou Ena Riviu

Inai kahana do idia gaukaralaia lagani 2005 ena sekit hebouhebou program riviulaia totona. Inai udaia pepana ena rau 6 ai, inai kahana “Hebouhebou Edia Program Riviulaia Dalana Matamatana,” ese ia hahedinaraia edena bamona inai riviu do ita karaia. Riviu lalonai, nega oi haria namonamo, unai amo henanadai ibounai oi henia diba. Namona be riviu lalonai ita herevalaia tok idauidau ese ita ia durua.

DINA GINIGUNANA ENA DABA KAHANA

1. Dahaka kara ese ita do ia durua Dirava amo ia mai aonegana ita abia totona?

2. Iseda sekit lalonai idia noho tadikaka bona taihu be edena dala ai idia hekwarahi taunimanima momo dekenai sivarai namona idia harorolaia totona?

DINA GINIGUNANA ENA ADORAHI KAHANA

3. Dahaka dainai Keristani taudia edia lalona ia goeva noho be mai anina bada? Edena dala ai unai ita karaia be namo?

4. Edena dala ai ita hahedinaraia diba ita be iseda tadikaka ida maino ita karaia taudia?

5. Laloa maoromaoro ena anina be dahaka, bona edena dala ai iseda nega ita gaukaralaia dalana amo unai kara ita hahedinaraia diba?

6. Saulo bona Noa edia haheitalai amo dahaka ita dibaia? Edena dala ai ita hahedinaraia diba ita be “kamonai haraga” taudia? (Iam. 3:17, NW )

7. Edena dala ai Keristani taudia be mauri dala rua idia dadaraia diba?

8. Edena dala ai Paulo bamona Dirava ena aonega ita gwauraia diba?

DINA IHARUANA ENA DABA KAHANA

9. Dahaka dainai ita tahua gaudia ita abia hidi namonamo be namo, bona dahaka ese ita do ia durua unai bamona ita karaia totona?

10. Iseda sekit ai idia noho tadikaka bona taihu be edena dala ai idia hekwarahi hanaihanai hebou dekenai idia mai totona, bona unai bamona idia karaia dainai dahaka namo idia davaria?

11. Ruma bese kwaradia be edena dala ai edia ruma bese idia haginia goada diba?

12. Idia gwauraia sekit durua daladia be dahaka?

DINA IHARUANA ENA ADORAHI KAHANA

13. Pablik tok ese ia hahedinaraia bamona, Dirava amo ia mai aonegana ese ia havaraia kara namodia be dahaka?

14. Dahaka dainai ita sibona eiava Dirava amo ia mai aonegana ese ia hakaua lasi taudia ita abidadama henia be kavakava karana? Dahaka gaudia dekenai ita naria namonamo be gau badana?

15. Dirava amo ia mai aonegana ese dahaka tarapu amo ita ia gimaia?

16. Dahaka dainai sekit hebouhebou program dekenai idia henia sisiba ita badinaia be mai anina bada?