Dina Tamona Hebouhebou Ena Riviu

Inai kahana do idia gaukaralaia lagani 2005 ena dina tamona hebouhebou program riviulaia totona. Inai udaia pepana ena rau 6 ai, inai kahana “Hebouhebou Edia Program Riviulaia Dalana Matamatana,” ese ia hahedinaraia edena bamona inai riviu do ita karaia. Riviu lalonai, nega oi haria namonamo, unai amo henanadai ibounai oi henia diba. Namona be riviu lalonai ita herevalaia tok idauidau ese ita ia durua.

DABA KAHANA

1. Dahaka dainai Iehova ita kamonai henia be gau badana? Ita kamonai ena anina be dahaka? (“Iehova Ena Gadona Kamonai Henia Ena Badina”)

2. Edena dala ai ruma bese be lauma dalanai gaukara idauidau ena program namona idia badinaia diba? (“Dirava Ena Hereva Idia Kamonai Bona Gau ta ese Ia Koua Lasi Ruma Besedia”)

3. Edena dala ai sekit ai idia noho taudia be nega namodia ai idia haroro? (“Gau Ibounai Do Ita Karaia Dirava Ita Hanamoa Totona”)

4. Heberu karoa 3 bona 4 ai idia noho haheitalai amo dahaka ita dibaia? Hari inai negai, Iehova be edena dala ai ita dekenai ia hereva noho? (“Dirava Ia Hereva Neganai, Ita Kamonai Henia Karana ese Ita Ia Gimaia”)

5. Bapatiso herevana ese oi edena bamona ia durua? (“Gwauhamata Bona Bapatiso”)

ADORAHI KAHANA

6. Iesu ena matamata negana ena sivarai amo dahaka ita dibaia, bona sekit lalonai idia noho matamata taudia ese Iesu ena haheitalai be edena dala ai idia tohotohoa noho? (“Dirava Ena Hereva Kamonai Namonamo Karana ese Matamata Taudia Ia Gimaia Dalana”)

7. Tama sina ese edena dala haida idia gaukaralaia, edia beibi bona natu maragidia dekenai Iehova ena dala idauidau idia hadibaia matamaia totona? (“Dirava Idia Kamonai Henia Bona Diba Idia Abia Natu Maragidia”)

8. Edena gabu haida ai Iehova, ena Natuna, bona ‘hesiai tauna mai ena kamonai bona mai ena kara maoromaoro’ ita kamonai henia namonamo be namo? (Mat. 24:45) Dahaka dainai unai bamona ita karaia be mai anina bada? (“Dirava Ena Hadibaia Herevana Kamonai Namonamo Noho”)