Sekit Hebouhebou Ena Program Matamatana

Taunimanima idia ura ita abia dae, inai nega dikana be do ia ore lasi. To, Baibel ena hereva ita dekenai be idau. (1 Ioa. 2:​15-​17) Baibel ese ita ia durua dainai, ita diba ‘tanobada ai eda kohu ita haboua’ karana be anina lasi. Lagani 2007 ena sekit hebouhebou ena program be Dirava ena taunimanima do ia durua, ena sinado be: ‘Kohu be Guba ai Do Umui Haboua.’​​—Mat. 6:​19, 20.

Kohu haboua lalohadaina be hodahoda ta bamona, bona Efeso 2:2 ia gwau inai lalohadai o “inai [“hodahoda ena siahu,” NW ] ese Dirava idia kamonai henia lasi taudia edia lalona dekenai harihari ia gaukara noho.” Hodahoda korikorina be gabu ibounai dekenai ia noho, ita hahodi totona. Unai hegeregerena, “tanobada ena lauma” be gabu ibounai dekenai ia noho. (1 Kor. 2:​12) Tanobada ena lauma be mai ena “siahu” ta ena lalohadai ia biagua totona. Sekit hebouhebou ena program matamata ese ita do ia durua, tanobada ena kohu bada haboua lalohadaina ita dadaraia bona mai anina bada gaudia ita laloa bada totona. (Mat. 6:​33) Danu, unai program ese ita do ia durua Iehova dekenai ita tabekau totona, ena be hekwakwanai bona hahetoho ita davaria.

Namona be unai dina rua oi reaia lasi bona hereva oi “kamonai namonamo.” (Heb. 2:​1, NW ) Emu mauri ai eiava haroro gaukara ai oi gaukaralaia diba hereva badadia haida oi torea diba. Bema inai program ena matamana kahanai oi noho ela bona dokona, unai ese oi do ia hagoadaia bona durua ‘guba ai emu kohu oi haboua’ totona!