Emu Mauri Lalonai Dahaka Do Oi Karaia?
1 Guna oi be kekeni eiava mero maragi neganai, oi idia nanadaia, “Oi bada neganai oi ura dahaka gaukara do oi karaia?” Bema oi be mero maragi, reana oi gwau, oi ura peleini taria tauna, doketa, eiava sekit naria tauna ai oi lao. Eiava bema oi be kekeni maragi, reana oi gwau, oi ura tisa, nesi eiava painia gaukara oi karaia. Hari oi bada dainai, oi sibona oi nanadaia, ‘Egu mauri lalonai dahaka do lau karaia?’ Abia hidi oi karaia vadaeni, a?
2 Abia hidi namona oi karaia totona, Iehova ena orea ese DVD ta ladana, Young People Ask—What Will I Do With My Life? idia halasia. Mani emu kara unai DVD oi itaia bona ia lalonai idia hahedinaraia gaudia hegeregere drama, inteviu bona hereva ma haida, oi laloa namonamo. Unai DVD lalonai idia noho gaudia be inai kahana, “Main Menu” lalonai idia hahedinaraia.
3 Drama: Drama ena kahana oi itaia neganai, mani inai henanadai oi laloa: (1) Timoteo ena mauri, Keristani Greek Revarevadia ese idia hahedinaraia hegeregerena, be edena dala ai Andre ena mauri ida ia hegeregere? (Kara 16:1; 1 Tim. 4:8; 2 Tim. 1:5) (2) Daika ese Andre ia doria ena heau helulu gadara lalonai ia kwalimu totona, bona edena dala ai? (3) Daidia ese Timoteo bona Andre idia hagoadaia abia hidi namona idia karaia totona, bona edena dala ai? (2 Tim. 1:1-4; 3:14, 15) (4) Edena bamona Mataio 6:24 bona Filipi 3:8 ena hereva ese Andre ia durua? Bona unai ese edena bamona oi ia durua?
4 Drama Ena Kahana Haida (Selected Scenes): Drama ibounai oi itaia murinai, inai kahana oi itaia lou, bena inai henanadai oi haerelaia. “Paul and Timothy” (Paulo bona Timoteo): Paulo ena hagoadaia hereva dokona Timoteo dekenai be dahaka? (2 Tim. 4:5) “Giving Jehovah Your Best” (Mai Emu Kudouna Ibounai ida Iehova Oi Hesiai Henia): Dirava hanamoa totona dahaka tahua gaudia oi atoa? “Taking a Stand for Jehovah” (Iehova Ena Gaukara Oi Laloa): Moale korikorina be edeseni amo ia mai? “Grandmother’s Advice” (Tubuna Hahine Ena Sisiba Hereva): Bema oi ura Satani ena tanobada ai ladana bada oi abia, dahaka dainai unai be dika? (Mat. 4:9) “No Regrets” (Lalohisihisi ta Lasi): Dahaka ese oi do ia durua emu mauri lalonai oi moale totona?—Aon. 10:22.
5 Inteviu (Interviews): Kahana ta ta oi itaia neganai, dahaka ese oi ia durua, unai amo mai emu kudouna ibounai ida Iehova oi hesiai henia diba? (1) “Dedication to Vain Pursuits or to God?” (Dirava Eiava Anina Lasi Gaudia Dekenai Oi Gwauhamata) (1 Ioa. 2:17); (2) “Learning to Enjoy Your Ministry” (Emu Hesiai Gaukara Oi Moalelaia) (Sal. 27:14); bona (3) “An Open Door to Service” (Dala Ia Kehoa Hesiai Gaukara Oi Karaia Totona).—Mat. 6:33.
6 Laloa Lou (Looking Back): Inai henanadai oi haerelaia diba, a? (1) Tadikaka bona taihu ta be edia mauri lalonai dahaka gaudia idia tahua, bona dahaka dainai? (2) Idia tahua gaudia dekenai idia kwalimu, a? (3) Dahaka ese idia ia durua edia mauri idia haidaua totona? (2 Kor. 5:15) (4) Guna idia karaia gaukara idia rakatania bona dahaka tiokratik gaukara idia karaia matamaia? Bona dahaka dainai idia laloa unai gaukara rua idia karaia hebou be hegeregere lasi? (5) Edia mauri idia haidaua dainai idia lalohisihisi, a? (6) Idia be dahaka idia gwauraia bona unai ese oi ia hagoadaia emu mauri lalonai do oi karaia gauna oi laloa totona?
7 Inteviu Ma Haida (Supplementary Interviews): Unai inteviu lalodiai, oi dibaia gaudia ese edena bamona oi idia durua, Iehova ena hesiai gaukara oi goadalaia totona? (1) “The Value of Personal Study” (Sibona Emu Stadi Karana ese Oi Do Ia Durua), (2) “Alternative Witnessing” (Haroro Daladia Idauidau), (3) “Bethel Service” (Betele Gaukara), (4) “Ministerial Training School” (Hesiai Gaukara Hadibaia Sikulina), bona (5) “Gilead Missionary Training” (Gilead Misinari Sikulina). “Index to Published Information on Related Subjects,” oi itaia lou bona oi laloa bada gaudia dekenai diba ma haida oi tahua.
8 Abia hidi oi karaia vadaeni, emu mauri lalonai dahaka do oi karaia, a? Paulo ese Timoteo ia hagoadaia: “Oiemu diba bona goada do oi gaukaralaia, mai oiemu lalona ibounai. Vadaeni taunimanima ibounai ese oiemu goada do idia itaia, ia bada lao noho.” (1 Tim. 4:15) Oi ai hagoadaia inai DVD ai oi itaia bona kamonai gaudia oi badinaia totona. Iehova oi noia oi ia durua abia hidi namona oi karaia totona, unai amo hari bona vaira negai mauri namona do oi moalelaia.
[Box on page 5]
MAIN MENU
Play Drama
Scenes (11 selections)
Interviews
Play All
Sections (3 selections)
Looking Back
Supplementary Material
Supplementary Interviews
Index to Published Information on Related Subjects
Subtitles
Hearing Impaired
None
To navigate around the menus, use the Next ▶, ◀ Back, and Main Menu buttons.