DVD Ladana Young People Ask—What Will I Do With My Life? (Part 1)
Natudia idia tubu daekau neganai, abia hidi namodia idia karaia be namo. Idia durua totona DVD ladana Young People Ask—What Will I Do With My Life? ai hegaegaelaia. DVD ena Main Menu ai Play Drama oi abia hidi, bena paragraf 2 ai idia noho henanadai oi haerelaia toho. Unai murinai, Main Menu dekenai oi giroa lou bona Interviews oi abia hidi, bena Looking Back oi abia hidi, bona paragraf 3 ai idia noho henanadai oi haerelaia toho.
Drama: (1) Edena dala ai Timoteo dekenai ia vara gaudia be hari Keristani matamata taudia dekenai ia vara danu? (2) Daidia ese Andre idia doria heau helulu tauna namona ai ia lao totona? (3) Tadikaka Fleissig be Andre dekenai: (a) Iehova bona spot gadara laloa bada karana ia herevalaia neganai dahaka ia gwau? (Mat. 6:24) (b) Moale korikori davaria dalana be edena bamona ia herevalaia? (c) Dibura kamepa amo ia abia disi maragina ia herevalaia neganai, dahaka ia gwau? (d) Foto ai ia bona ena adavana ida idia gini taudia be edena bamona ia herevalaia? (e) Ia ura karaia gaudia ia haidaua dainai ia lalohisihisi, a? (Fili. 3:8) (4) Andre ena tubuna hahine ese inai henanadai, “Heau helulu ai ladana bada lau abia be kerere, a?” be edena bamona ia haerelaia? (Luka 4:5-7) (5) Andre be heau helulu ai ia kwalimu neganai ia moale, a? (6) Tadikaka Fleissig ese Andre totona ia torea leta amo dahaka oi moalelaia? (Aon. 10:22) (7) Tadikaka Fleissig ese Andre ia durua dahaka ia lalopararalaia totona?
Looking Back (Laloa Lou): (8) Tadikaka ta bona taihu ta be guna dahaka idia laloa bada, bona dahaka dainai? (9) Edena dala ai ladana bada taudia ai idia lao? (10) Dahaka ese idia ia durua edia mauri idia haidaua totona? (2 Kor. 5:15) (11) Guna idia karaia gaukara idia rakatania bona dahaka tiokratik gaukara idia karaia? Bona dahaka dainai idia laloa unai gaukara rua be nega tamona idia karaia diba lasi? (12) Edia mauri ai idia haidaua gaudia dainai idia lalohisihisi, a? (13) Edia hereva amo dahaka ese oi ia hagoadaia emu mauri lalonai oi karaia gaudia oi laloa totona?
Mani DVD ai intaviu bona kahana ma haida oi itaia, bona oi hegaegae October 1 purana ena Hesiai Hebou ai oi haere totona.