Haroro Gaukara Badana!

Lagani 100 mai kahana lalonai, Iehova ena Witnes taudia be gau momo idia karaia sivarai namona idia harorolaia totona. (1 Kor. 9:​23) Unai gaukara badana lalonai, sivarai namona be gado handred momo bona tano 230 lalonai ita harorolaia. (Mat. 24:14) To dahaka dainai inai gaukara be mai anina bada? Bona edena dala ai tanobada hegegemadai unai gaukara ita karaia noho diba?

Vidio ladana Jehovah’s Witnesses​​—Organized to Share the Good News be tano idauidau dekenai idia karaia gaukara idauidau ia hahedinaraia, bona unai ese ataiai idia noho henanadai rua do ia haerelaia. Inai vidio oi itaia neganai, namona be inai henanadai oi lalodia: (1) Iseda gaukara be edena dala ai idia naria bona hakaua? (2) Toretore Dipatmen (Writing Department), Gado Hahanaia Taudia Idia Durua Dipatmen (Translation Services Department), Laulau Idia Karaia Dipatmen (Art Department), bona Rekodi/Vidio Idia Karaia Dipatmen (Audio/Video Services Department) be edena dala ai sivarai namona harorolaia gaukarana idia durua? (3) Dahaka dainai iseda buka bona magasin printaia bona siaia gaukaradia idia bada idia lao noho? (Ioa. 17:3) (4) Lagani tamona lalonai, iseda buka bona magasin hida idia printaia? (5) Iseda buka bona magasin ese dahaka namo idia havaraia noho? (Heb. 4:​12) (6) Matakepulu taudia bona taia kudima taudia be Baibel amo diba idia abia totona, dahaka durua gaudia idia noho vadaeni? (7) Iseda gaukara durua moni be edena bamona ita abia? (8) Hospital Liesen Komiti Idia Durua Dipatmen (Hospital Information Services), Haroro Naria Dipatmen (Service Department), bona Hebouhebou Naria Dipatmen (Convention Department) be edena dala ai ita idia durua? (9) Oi be Iehova ena Witnes tauna ta dainai, inai vidio ese edena bamona oi ia durua, oi laloparara (a) Iehova ena orea be gau idauidau idia karaia sivarai namona ita harorolaia totona? (b) tanobada hegegemadai Betele 100 mai kahana idia noho? (c) orea naria taudia bona misinari taudia be sikuli namona idia abia? (d) daba ibounai dina ena siri bona koment oi itaia, bona pura ta ta ai kongrigeisen heboudia totona oi hegaegae be mai anina bada? (e) Keristani heboudia oi lao henidia be mai edia namo? (f) tanobada Paradaisona ai taunimanima edia mauri be edena bamona? (Isa. 11:9) (g) haroro gaukara oi karaia noho be gau badana?​​—Ioa. 4:​35.

Inai vidio be emu varavara, turadia, lou henia, bona Baibel stadi taudia ese idia itaia neganai, dahaka hereva namodia idia gwauraia? Bema haida dekenai inai vidio oi do hahedinaraia lasi, namona be hari dala oi karaia idia itaia totona, bona sivarai namona oi harorolaia diba danu.​​—Mat. 28:​19, 20.