Bema Oi Ura Idau Gado ai Idia Hahanaia Bukadia Oi Abia Haraga

Nega haida ita davaria taudia haida idia ura idau gado ai idia hahanaia bukadia idia duahia, to iseda kongrigeisen ai idia noho lasi. To, bema oi be mai emu kompiuta bona printa ta, vadaeni oi sibona ese gado 400 ai idia hahanaia bukadia be Internet dekena amo oi printaia diba. Dala be inai:

• Eda Web sait ladana www.watchtower.org dekenai oi lao.

• Unuseniai kahana ta ladana home page ena idiba kahanai be gado idauidau ena lista ia noho. Tanobada (Globe) ena laulau oi abia hidi (click) neganai, gado idauidau ena lista do ia hedinarai.

• Oi ura henia gadona oi abia hidi. Vadaeni buka, buklet, o unai bamona gaudia ena lista do ia hedinarai.

• Oi ura printaia gauna oi abia hidi. Iena laulau be kompiuta dekenai do ia hedinarai, vadaeni oi printaia diba.

Eda Web sait ai unai bamona bukadia momo idia atoa lasi; unai dainai, buka ma haida be kongrigeisen amo oi abia diba. Bema ta ia ura buka ma haida ia abia, vadaeni buka naria taudia dekenai oda oi karaia be namo.

Oi hoa badina PNG ena gado haida ai idia hahanaia bukadia be eda Web sait ai idia noho, hegeregere Enga, Jiwaka, Hiri Motu, Melpa, Motu korikorina bona Tok Pisin gado, a?