Haroro Herevadia

August Ena Saturday Ginigunana ai Baibel Stadi Hamatamaia

“Taunimanima momo be nega ta o haida sibona ai idia guriguri. Dirava be lasi lalohadaina idia abia dae taudia danu be hekwakwanai negadiai idia guriguri. Oi laloa Dirava be guriguri ibounai ia kamonai, a?” Haere naria. Ruma tauna dekenai August 1 Watchtower, ena rau ginigabena oi hahedinaraia, bena paragraf ginigunana bona siri ta umui duahia. Magasin oi hariharilaia, bona lou henia dalana oi karaia, henanadai iharuana umui herevalaia totona.

Laloatao: August 3 purana ena haroro grup ena hebou ai inai oi haheitalaia be namo.

Watchtower August 1

“Hari, ponografi itaia karana ia bada dainai, momo idia wari. To ma haida idia laloa, ponografi itaia karana be dika lasi. Emu lalohadai be dahaka? [Haere naria.] Iesu ia gwau, au ta ena huahua amo do ita diba ia be au namona o lasi. [Mataio 7:17 duahia.] Ponografi itaia karana ena dika bona ita dadaraia daladia haida be inai magasin ese ia herevalaia.”

Awake! August

“Ita ura lasi ita mase, ani? Oi laloa saiens taudia ese idia karaia gaudia be nega ta ita do idia durua, ita mauri hanaihanai totona, a? [Haere naria.] Inai gwauhamata namona mani oi laloa. [1 Korinto 15:26 duahia.] Edena dala ai Dirava ese unai gwauhamata do ia hagugurua—saiens taudia amo, a? Dahaka dainai hari ita buruka bona ita mase? Baibel ese unai henanadai ia haerelaia daladia be inai magasin ese ia hahedinaraia.”