Haroro Herevadia

September Ena Saturday Ginigunana ai Baibel Stadi Hamatamaia

“Tomadiho bona bese idauidau taudia be dina ta ta ai idia guriguri. Oi laloa Dirava ese edia guriguri ibounai ia kamonai bona haerelaia, a?” Haere naria. Bena September  1 Watchtower ena kopi ta oi henia bona rau 16 ai hereva kwarana ginigunana henunai ia noho herevana bona siri ta umui duahia hebou. Magasin oi hariharilaia, bona lou henia dalana oi karaia, henanadai iharuana ena haere umui herevalaia totona.

The Watchtower September 1

Magasin ena vairana kahana oi hahedinaraia, bona oi gwau: “Inai henanadai be edena bamona oi haerelaia diba? [Haere naria.] Baibel ena hereva mani oi itaia. [1 Ioane 5:​19 duahia.] Inai siri ena hereva hegeregerena, “Dika Tauna,” o Diabolo be tanobada ia lohiaia. To unai ese henanadai haida ia havaraia. Diabolo be edeseni amo ia mai? Ia be tau korikorina, a? Ena lohia negana ena daudau be edena bamona? Inai magasin ese Baibel ena hereva ia hahedinaraia.”

Awake! September

“Hari taunimanima momo be moni ena hekwakwanai dainai idia lalohekwarahi. Oi laloa dahaka dainai mauri durua gaudia abia totona moni davaria be mai ena hekwarahi? [Haere naria.] Baibel lalonai idia noho aonega herevadia ese momo ia durua edia moni idia gaukaralaia namonamo totona. [Rau 8-9 ai ia noho siri ta duahia.] Abitorehai karana idia hekwarahilaia taudia dekenai inai magasin be mai ena heduru hereva namodia.”