Haroro Herevadia

September Ena Saturday Ginigunana ai Baibel Stadi Hamatamaia

“Momo idia laloa dina ta Dirava ese edia kara hegeregerena idia do ia kota henidia. Oi be mai moale ida Kota Badana Dinana oi naria noho eiava oi gari? [Haere naria.] Inai magasin ena hereva mani oi itaia.” Ruma tauna dekenai September 1 Watchtower oi hahedinaraia, bona magasin ena rau 16 ena henanadai ginigunana umui kikilaia hebou bona siri ta umui duahia. Magasin oi hariharilaia, bona lou henia dalana oi karaia, henanadai iharuana ena haere umui herevalaia totona.

The Watchtower September 1

“Tano momo dekenai hahine idia laloa bada lasi bona dagedage henidia. Dubu momo lalonai unai bamona kara idia gwauraia dika lasi. Oi laloa Dirava ese hahine ia lalodia bada, a? [Haere naria.] Tatau ese edia adavana do idia kara henia dalana be Baibel ese ia hahedinaraia. [Efeso 5:28, 29 duahia.] Danu, Baibel ese Dirava ena lalohadai hahine dekenai ia hahedinaraia, bona inai magasin ese unai ia herevalaia.”

Awake! September

“Momo idia gwau, dina ta niuklia tuarina eiava disasta, hegeregere guba amo nadi siahuna (o asteroid) do ia moru, o weda ia idau karana ese tanobada ai mauri gaudia ibounai do ia hadikaia ore. Oi laloa unai gaudia do idia vara momokani, a? [Haere naria.] Baibel ese inai gwauhamata namona ia gwauraia. [Salamo 37:29 duahia.] Taunimanima edia lalohadai tanobada hadikaia gaudia dekenai, bona Baibel ese vaira negai do idia vara gaudia be inai magasin ese ia herevalaia.”