Simplified English Watchtower amo Heduru Oi Abia, A?

Simplified English Watchtower o auka lasi English gado ai idia torea gauna be hari ia noho. Unai magasin matamata ese do ia durua taudia be inai: (1) English gado ai idia hereva to edia edukeisen be bada lasi pablisa; (2) English be edia gado ginigunana lasi pablisa; (3) matamata taudia bona sikuli natudia; bona (4) auka lasi dalanai Dirava ena Hereva idia ura lalopararalaia stadi taudia.

Unai magasin matamata ena paragraf edia namba, henanadai bona hereva kwarana maragidia be standard English Watchtower ida ia hegeregere. To, unai magasin matamata ai auka lasi English herevadia idia gaukaralaia. Ena be Watchtower Stadi ia hakaua tadikaka bona duahia tadikaka be standard English Watchtower idia gaukaralaia, to bema helai taudia momo be simplified English Watchtower idia dogoatao, vadaeni namona be unai idia gaukaralaia. Unai Watchtower ruaosi ai idia noho siridia bona haheitalai be hegeregere, unai dainai tadikaka ese paragraf ia duahia neganai, simplified English Watchtower idia dogoatao taudia ese idia badinaia bona haere idia henia diba.

Bema oi laloa simplified English Watchtower amo heduru do oi abia, vadaeni magasin naria tadikaka oi hadibaia oda ia karaia totona.