Oi Haroro Noho!

Haroro negadiai, pablisa haida idia manadalaia karana ta be edia ura taim ai haroro grup idia rakatania, hegeregere adorahi ai idia haroro lasi. Momokani, haida be badina haida dainai edia taim korikorina ai haroro grup idia rakatania. To oi ese teritori oi rakatania badina haida be haroro grup idia rakatania, a? Eiava emu gabu taudia momo be vaia edia ura taim ta ai teritori idia rakatania dainai, a? Oi ura haroro murinai emu gaukara oi habadaia, hegeregere miniti haida lalonai magasin hariharilaia gaukarana oi karaia, a? Eiava emu ruma oi do lao lasi neganai, lou henia ta o rua oi itaia diba, a? Bema kamonai tauna ta be ena ruma ai oi davaria lou eiava magasin haida be ia raka hanai tauna ta dekenai oi hariharilaia, unai ese anina namona do ia havaraia, ani? Momokani, iseda haroro noho karana amo Dirava “hanamoa” karana ita habadaia.—Heb. 13:15.